Mesfushori kosovar, Albin Ramadani, ka shënuar golin e vlerës së tre pikëve për përfaqësuesen U-17 të Austrisë.
Ramadani shënoi golin e tretë në minutën e 58-të në fitoren e Austrisë ndaj Uellsit me rezultatin 3:2.
Ndeshja ndërmjet Austrisë dhe Uellsit u zhvillua të hënën në Rusi.
Kjo ishte ndeshja e dytë e zhvilluar në kuadër të Grupit 5 eliminator për “Euro U-17”, shkruan koha.net.
Ramadani që luajti tërë ndeshjen, u ndëshkua me karton të verdhë në minutën e 39-të.
Me këtë fitore, Austria është forcuar në pozitën e parë me gjashtë pikë, kurse Rusia që zë vendin e dytë, ka katër pikë.
Në pozitën e tretë të Grupit 5 gjendet Uellsi, kurse Islanda në pozitën e fundit pa asnjë pikë.
Sqarim:
Ndalohen fyerjet dhe përdorimi i gjuhës ofenduese. INFOSOT mban të drejtën e publikimit ose jo të një komenti të caktuar. Përmbajtja e komenteve nuk pasqyron, qëndrim editorial të redaksisë së portalit INFOSOT. Ju faleminderit për mirëkuptimin!
© infosot.com
