Shqipnia asht ende në pritje për me u kualifiku si anëtare e Bashkimit Europian, përmes bashkëpunimit dhe ndërlidhjes me shtete të tjera të rajonit të Ballkanit Perëndimor.
Kështu deklaroi kryeministri Edi Rama në seancën e posaçme për zbatimin e Axhendës së zhvillimit post 2015, në Samitin e Kombeve të Bashkueme, në New York ku merrnin pjesë liderë botnorë nga të gjitha shtetet anëtare.
Tue e vlerësue axhendën si tepër kurajoze, kryeministri Rama u shpreh në fjalën e tij se ajo asht rruga për me leviz nga nji bashkëpunim i thjeshtë në nji partneritet global.
Kryeministri theksoi se për Shqipninë qendrueshmeni do të thotë përforcimi i shtetit të së drejtës dhe vlerave demokratike shoqnore.
“Kjo axhendë e re, kurajoze, ambicioze e nji transformimi global asht angazhimi ynë që me i çmue njerëzit prej përjashtimi tek gjithëpërfshimja. Nga varfnia tek rruga e begatisë, nga pasiguria tek parashikueshmënia dhe zgjidhjet, për me lëviz nga nji bashkëpunim i thjeshtë në nji partneritet global.
Asht pakti i nji gjenerate që i ka kthye sytë nga e ardhmja në nji botë që shkon përpara me nji hap ma të shpejtë.
Asht nji marrëveshje e re globale me premtimin solemn që askush nuk duhet lanë mbrapa, ka theksue nder te tjera kryeministri shqiptar Rama.
