Disa xhami në kryeqytet kanë vendosur të pajisen me kamera të sigurisë. Por, për këtë nuk është në dijeni Policia e Kosovës e as Bashkësia Islame
Sido që të jetë, në media të cilat thirren në burime brenda policisë, thuhet se kjo është bërë për shkak të kërcënimeve të fundit që kanë të bëjnë me ISIS’in.
Por, Zëdhënësi i Policisë, Baki Kelani, ka thënë për Gazetën Express se nuk janë në dijeni se ku janë vendosur dhe nga kush.
“Ne nuk e dimë se kush i ka vendosur kamerat dhe për çfarë qëllimi. Po mendoj që BIK mund të jap sqarime shtesë”, tha ai.
Kelani ka shtuar se Policia e Kosovës ka bërë një studim të përgjithshëm për objektet në Kosovë, si Qeveria, Presidenca por jo për ndonjë xhami në veçanti.
Në anën tjetër sekretari i BIK, Resul Rexhepi, tha se është në pushim vjetor dhe nuk ka dijeni për këto kamera që janë instaluar në disa xhami të kryeqytetit “Unë jam në pushim vjetor dhe këtë po e dëgjojë nga ju. Nuk e di se kush i ka vendosur dhe pse”, shtoi Rexhepi.
Sot gjatë ditës, disa media kanë raportuar se vendosja e kamerave, për parandalimin e mundshëm të ndonjë akti terrorist apo çfarëdo incidenti brenda objekteve fetare në bashkëpunim me Policinë e Kosovës.
