Austria dhe mediat e kryeqytetit të Vjenës vazhdojnë të jenë të shokuara nga gjakderdhja e shkaktuar të dielen në mbrëmje në këtë shtet. Në raportet që s’kanë të ndalur për këtë vrasje, agjencia e lajmeve APA dhe mediat austriake njoftojnë se pas një gridnjeje mes katër të rinjve shqiptarë- të gjithë nga Kosova, ka mbetur një person i vdekur, ndërsa dy të tjerë janë të plagosur, përfshirë këtu edhe një 19 vjeçare e cila ishte krejtësisht e pafajshme por që aksidentalisht kishte qëlluar afër vendit të ngjarjes.
Policia austriake ka thënë sot në Vjenë se sipas dëshmitarëve e gjithë ngjarja ndodhi pas një mosmarrëveshjeje mes katër të rinjve, derisa ishin duke udhëtuar në një tramvaj në drejtim të Hütteldorferstraße, ndërsa situata eskaloi në stacionin Johnstrasse të Vjenës.
Sipas informacioneve të policisë njëri nga vëllezërit që ishin së bashku në tramvaje, i lindur në kryeqytetin e Kosovës, në Prishtinë, i cili kishte aplikuar për azil në Austri, gjatë natës së diel rreth orës 20.30 minuta derisa udhëtonin me linjën e tramvajit 49, u fjalos më dy persona të tjerë. “Janë fjalosur në një gjuhë të huaj”, kanë thënë pasagjerët të cilët e kanë përshkruar rastin si fjalosje të rëndë, njofton APA.
Kur tramvaji ndalet në stacionin Johnstrasse, vëllezërit që nuk kishin as adresë vendbanimi, derisa zbresin njëri nga dy burrat tjerë që ishin në tramvaje nxjerr revolen dhe gjuan disa herë. Sipas policisë janë gjetur pesë plumba të kalibrit 9 mm. Plumbat kapen të dy vëllezërit si dhe një femër 19 vjeçare, e cila priste për të hyrë në tramvaje.
Djaloshi 28-vjeçar që ishte më i vjetër se vëllai i tij, kishte marr plagë të rënda dhe ai ndërroj jetë në spitalin e Vjenës derisa iu nënshtrua një operacioni kirurgjik disa orësh.
Vëllai i tij 25 vjeçar, i cili po ashtu është i plagosur, arriti që të mbijetoj nga operacioni, megjithatë gjendja e tij është shumë kritike dhe po mbahet në repartin intensiv të njërit nga spitalet e Vjenës.
Një vajzë 19 vjeçare e cila priste për të hyrë në tramvaj, nga predhat e plumbave mori plagë të papritura. Ajo ishte krejtësisht e pafajshme dhe u godit nga një plumb në këmbë. Pas intervenimit mjekësor, vajza është jashtë rrezikut për jetën. Pas të shtënave të dy burrat të cilët kanë gjuajtur më armë, kanë ikur këmbë dhe deri më tash policia ende nuk ka asnjë gjurmë për ta, madje nuk është gjetur as armë më të cilën ata kanë qëlluar.
Pas kësaj ata kanë ikur ndërsa policia austriake sot ka botuar fotografinë e vëllezërve të bërë në tramvaj pak para se të ndodhte tragjedia dhe të dy këta të merrnin arratinë. Policia austriake ka bërë apel që kushdo që i njeh dorasit të njoftojë në këtë numër telefoni për dorasit: 01/31310-33800 /Gazeta Blic
