Juventusi ka kaluar me sukses pengesën Carpi dhe ka regjistruar fitoren e shtatë radhazi në kampionat.
Fitore që e ka kthyer zyrtarisht ekipin e Allegrit në luftë për titullin. Bardhezinjtë, që kanë fituar me përmbysje, kanë rrezikuar në fund, me Carpin që ka shkuar shumë afër golit të 3-3-it. Paul Pogba, në fund të ndeshjes, është shprehur gjithsesi i kënaqur me paraqitjen e ekipit.
“Objektivi ynë ishte që të fitonim dhe ia kemi dalë. Ndeshje të tilla janë shumë të komplikuara, nuk duhet humbur përqendrimi në asnjë moment. Gjithsesi, kishte rëndësi të fitonim dhe e kemi bërë këtë”. Në lidhje me luftën për titull: “Nuk ka qenë një mesazh për rivalët, por vetëm për veten tonë sepse nuk duhet të mendojmë për të tjerët. Duhet të vazhdojmë në rrugën tonë dhe të ruajmë përqendrimin”, ka thënë Pogba.
