Presidenti francez, Emmanuel Macron, ka reaguar pas një takimi të tensionuar mes presidentit amerikan, Donald Trump, dhe atij ukrainas, Volodymyr Zelensky, i cili përfundoi pa arritjen e një marrëveshjeje për mineralet e rralla.
Macron në një shkrim në rrjetin social X tha se Rusia është agresori dhe Ukraina është viktima e agresionit.
“Ka një agresor: Rusia. Ka një viktimë: Ukraina. Kishim të drejtë të ndihmonim Ukrainën dhe të vendosnim sanksione ndaj Rusisë tre vjet më parë — dhe të vazhdojmë ta bëjmë këtë. Me “ne”, nënkuptoj amerikanët, evropianët, kanadezët, japonezët dhe shumë të tjerë.
Faleminderit të gjithëve që kanë ndihmuar dhe vazhdojnë ta bëjnë këtë. Dhe respekt për ata që kanë luftuar që nga fillimi — sepse ata po luftojnë për dinjitetin e tyre, pavarësinë e tyre, fëmijët e tyre dhe sigurinë e Evropës”, shkroi Macron.
Theksojmë se takimi mes Trump dhe Zelensky ishte me plotë tensione dhe përplasje, ku në fund edhe u anulua konferenca e përbashkët për shtyp. Zelenksy menjëherë la Shtëpinë e Bardhë.
There is an aggressor: Russia.
There is a victim: Ukraine.
We were right to help Ukraine and sanction Russia three years ago—and to keep doing so.
By “we,” I mean the Americans, the Europeans, the Canadians, the Japanese, and many others.
Thank you to…
— Emmanuel Macron (@EmmanuelMacron) February 28, 2025
