Ministri i Punëve të Brendshme, Skënder Hyseni ka konfirmuar se në orën 15:00 do të ketë një konferencë për media nga Brukseli, ku do të bëhet i ditur vendimi për rekomandim ose jo për liberalizimin e vizave për Kosovën.

Hyseni nuk dha më shumë detaje, duke thënë se mediat do të informohen pas takimit që do të mbahet në ndërtesën e Komisionit Evropian.

Dje zëdhënsja e KE-së, Mina Andreevas konfirmoi për KosovaPress se vendimi për rekomandim do të bëhet i ditur sot rreth mesditës.

Ajo nuk saktësoi nëse janë plotësuar kriteret apo jo, pasi tha se vlerësimi është në kompetencën e komisionerëve.