Panairi Ndërkombëtar për Tregtinë në Shërbime ndihmon objektivin e “kulmit të lëshimit dhe asnjanësimit të karbonit”

E publikuar: 03/09/2022 10:45
Rreshtat+- AShkronjat+- Printo

Në Panairin Ndërkombëtar për Tregtinë në Shërbime të këtij viti në Pekin, një kompani ndërtimi paraqiti teknologjinë më të re të administrimit të lëshimit të karbonit në mbarë procesin e ndërtimit modular të apartamenteve. Kjo teknologji e konsideron çdo dhomë si një njësi modulare. 90 % e elementeve të rregullimit të brendshëm të dhomës, si pajisjet elektrike, tubacionet, mobiliet, zbukurimet, paretet ndarëse etj., parafabrikohen, pastaj dërgohen në kantierin e ndërtimit për montim të drejtpërdrejtë. Në procesin e ndërtimit kursehet uji dhe realizohet lëshimi zero i ujërave të zeza, nuk ka nevojë për ngritje të skelave dhe mund të pakësohen mbetjet e ndërtimit. Përveç kësaj, pjesët përkatëse mund të çmontohen, të zëvendësohen e të riciklohen, duke ulur koston e mirëmbajtjes në periudhën e mëvonshme.

Në zonën e ndryshimit të klimës dhe ekonomisë së “kulmit të lëshimit dhe asnjanësimit të karbonit” në këtë panair, një qen mekanik i quajtur “ULD3000” tërhoqi vëmendjen e madhe të vizitorëve. Ai mund të punojë në mjedis me temperatura nga -40℃ deri në 80℃ dhe mund të përdoret për të mbledhur elementet meteorologjike në kushte të ndryshme të motit ekstrem, për mbledhjen, organizimin dhe analizimin e të dhënave.

Këto “teknologji të zeza” mund të përdoren jo vetëm për mbikëqyrjen e ndryshimit të klimës, por edhe për të ndihmuar në pakësimin e lëshimit të karbonit, duke ndihmuar në realizimin e objektivit të “kulmit të lëshimit dhe asnjanësimit të karbonit”.