Rrahim Pacolli nga AKR ka folur rreth rreth ftesës së Kryeministrit Isa Mustafa që i ka bërë sot opozitës.
“Ftesa e dërguar sot nga kryeministri Mustafa për takim me opozitën, kishte mundë të ndodhte kohë më parë, madje edhe para se Sekretari Amerikan i Shtetit të ShBA-ve ta vizitonte Kosovën.
Kjo është mase e qartë që ShBA-të janë të shqetësuara me gjendjen aktuale në Kosovë dhe po ashtu shteti mik, Amerika i ka edhe shqetësimet e saja për marrëveshjet e dëmshme që po donë t`i instalohen Kosovës nga personat e pandërgjegjshëm. Këtë e potencoi edhe vet Kerry gjatë vizitës në Kosovë.”
Megjithatë Pacolli i ka bërë thirrje Mustafës të reflektoi lidhur më marrëveshjet, transmeton Infosot.
“Pozita ka reflektuar jo gatishmëri për dialog që nga fillimi i kësaj krize politike e institucionale, duke u munduar me çdo kusht që gjërat që kjo e fundit i servon të votohen ashtu si janë.
Është munduar që zëri i opozitës të ngufatet tash e sa kohë. Megjithatë shpresoi që pas vizitës së Kerry-it kryeministri Mustafa të reflektoi drejt dhe edhe vet ta ndryshoi kursin në raport me marrëveshjet e dëmshme që dëmtojnë sovranitetin dhe integritetin territorial të Republikës së Kosovës.” Ka shkruar Pacolli në Facebook.
