Një 21-vjeçar shqiptar është njëri nga pesë viktimat që humbën jetën nga orteku në Alpet franceze, më 18 janar.
Denis Halili,(në foto) 21 vjeç nga Dibra, ishte bërë pjesë e një kampi legjionarësh të huaj që stërviten për llogari të ushtrisë franceze. Humbjen e djalit e konfirmoi për gazetën “Tema” familja e Denisit, si dhe ambasada shqiptare në Francë. Burime nga Ministria e Punëve të Jashtme bëjnë me dije se tashmë kanë nisur proceduarat për kthimin e trupit të të riut në vendlindjen e tij.
Nga ekipet e shpëtimit u gjenden 14 ushtarë, 8 prej të cilëve ishin plagosur sipas zyrtarëve francezë. Sipas medieve franceze, ata ishin pjesë e një grupi prej 50 ushtarësh të cilët po bënin ski në afërsi të qendrës së skive në Valfrez.
Ministri i Mbrojtjes, Jean-Yves Le Drian ka vizituar repartin e legjionit ku bëni pjesë ushtarët, ndërsa viktimat e tjera janë: një francez, një italian, një moldav dhe nga Nepali. Sipas medieve franceze ata janë të moshës 21-23 vjeç.
Ushtarët ishin në për seanca stërvitore pranë Valfrejus, pak kilometra larg nga kufiri me Italinë. Tetë ushtarë të tjerë u plagosën, ndërsa dy janë në gjendje të rëndë për jetën nga hipotermia. Ky është incidenti i dytë i këtij lloji në Alpet franceze. Pak ditë më parë, një grup nxënësish u përfshi nga një ortek, e për pasojë 3 prej tyre gjetën vdekjen.
