Anëtari i Kryesisë së Lëvizjes Vetëvendosje, Sami Kurteshi në një konferencë të thirrur nga opozita, ka thënë se Gjykatat e Kosovës kanë shkelur parimet, me rastin e arrestimeve të deputetëve të opozitës, raporton Indeksonline.
Kurteshi thotë se për përdorim të gazit lotësjellës ka raste kur një qytetar i thjeshtë është dënuar vetëm me para, ndërkaq deputetët e opozitës po mbahen në arrest.
“Ne kemi një vendim të nje gjykate të rregulllt të Kosovës, te asaj të Apelit përmes së cilës shihet klasifikimi i veprave per të cilat përndjekenn deputetët e Kosovës.Ne kemi një vendim që është marr në maj të këtij viti për një qytetar i cili ka përdor gaz lotsjellës në public, e në këtë rast dënimi shkon me gjobë në të holla me 400 euro, kur kemi masa tjera ndaj deputetëve të Kosovës për veprën e njejtë. Deputetëve tonë Albinit Albulenës, Donikes e Faton Topallit është ngrit aktakuzë”, ka thënë Kurteshi.
Kurteshi ka shtuar se Albulena Haxhiu e Fisnik Ismaili nuk kanë përdorur gaz, dhe të njëjtit e vuajnë dënimin e njejtë.
“Jo të gjithë e kanë kryer të njëjtën vepër. Albulena e Fisniku nuk kanë përdor asnjëherë gaz.
këtu shihet qartë shkelja e dy parimreve në gjyqësor”, është shprehur Kurteshi.
E Muhamet Kelmendi i AAK-së, ka thënë se nuk ka ndodhur deir më tani që të përjashtohet një opozitë e tërë nga seancat. Sipas tij, kryetari i Kuvendit Kadri Veseli do të hyjë në histori si personi që ka bërë shkelje të parlamentarizmit.
“Deri tani nuk ka ndodh që një kryesi të përjashtoj një opozitë të tërë, kryetari i kryesisë do të hyj në histori si person qe ka bërë shkelje të parlamentarizmit, në një mbledhje të organizuar e quajtur seancë në byfe të kuvendit”, ka thënë Kelmendi.
Kelmendi ka folur edhe për Demarkacionin me Malin e Zi, duke thënë se ka prova të mjatfueshme nga ushtria ish jugosllave që dëshmon se i është dhënë Malit të Zi.
“Kemi prova të mjaftueshme nga ushtria ish jugosllave që dëshmon se i është dhënë tokë Malit të Zi, ne kërkojmë formimin e komisionit për ketë cështje me ekspertë vendor e ndërkombëtarë. Opozita e ka dhënë vendimin se duhet të anulohet ky vendim dhe të formohet komisioni”, ka thënë Kelmendi./Indeksonline/
