Doni të blini një dron? OnePlus sapo ka prezantuar një pajisje të tillë, e quajtur DR-1, të cilën do ta shesë për vetëm 19.99 dollarë. Ndryshe nga kompanitë e tjera, OnePlus nuk ka gënjyer në Ditën e Gënjeshtrave, pasi ky dron është i vërtetë dhe është gati për t’u hedhur në treg.
Sigurisht, DR-1 nuk do të jetë edhe aq i mirë sa dronët e tjerë, duke marrë parasysh edhe çmimin, megjithatë mund të përdoret për qejf. Kompania ka konfirmuar se DR-1 do të jetë gati për të “fluturuar” në dyqanet e saj muajin e ardhshëm.
Nuk janë zbuluar shumë detaje teknike apo për dizajnin e këtij droni. Mbetet për t’u parë se si do të funksionojë ky dron i OnePlus. Ndërkohë, nëse jeni të interesuar ta blini këtë dron, mund ta porosisni tek uebsajti i kompanisë për 19.99 dollarë.
