Shtatzania e padëshirueme, përpjekja për me abortue frytin e parë, e mandej braktisja e fmisë, asht nji temë tabu jo vetëm për shoqninë kosovare. Por Bekim Lumi, në krye të katër aktorëve, ka me e sjellë këtë sfidë të Hamletit modern, të Mërkurën në mbramje në skenën e Teatrit Kombëtar.
E aktualiteti jonë e ka ba Bekim Lumin që me e nda peshën e nanës nga nji aktore që ishte në tekstin original, në tre.
Regjisori dhe aktorja kryesore treguen sot në drekë vështirësitë dhe emocionet e mishnimit të rolit të kësaj nane.
Kjo dramë e norvegjezit Jon Fosse, e përkthyeme gegnisht, ka me pasë premierën e saj absolute në gjuhën shqipe. Por Bekim Lumi thotë se kjo dramë duhej të ishte vu’ në skenë që në vitin 2011, kur teatri ishte nën udhëheqjen e Jeton Nezirajt. Regjisori akuzon Nezirajn se me ekzibicionet e tij të çuditshme, arriti me e shmangë këtë shfaqje.
Ndërsa për drejtorin artistik, Teatri Kombëtar ka privilegj që në repertorin e tij me e pasë këtë shfaqje premierë.
Drama “Nana dhe fmija” interpretohet nga aktorët Meli Qena, Donikë Ahmeti, May-linda Kosumovic dhe Bujar Ahmeti.
