Në Prekaz të Skenderajt ka filluar manifestimi “Nata e Zjarreve”, në kuadër të “Epopesë së UÇK-së”.
Persona me uniforma të UÇK-së kanë ndezur flakadanë në përmbyllje të manifestimit “Epopeja e UÇK-së”, i cili mbahet për çdo vit më 5-7 mars dhe është tradicional.
Ata pas ndezjes së flakadanëve kanë nderuar të rënët e Jasharëve në Prekaz dhe tek kulla e komandantit legjendar Adem Jashari.
Ky manifestim është i treti me radhë dhe i fundit për nder të “Epopesë së UÇK-së” që fillon më 5 mars, pikërisht ditën kur më 5 mars 1998 ka filluar beteja mes Jasharëve dhe policisë dhe ushtrisë serbe.
