Mbi 700,000 vajza dhe gra ndodhen në burgje në gjithë botën, bën të ditur një raport i Institutit të Politikave Penale, me seli në Londër.
Sipas të njëjtit, numri është rritur për 50 përqind qysh në vitin 2000.
Vetëm tri vende – Shtetet e Bashkuara, Kina dhe Rusia – kanë gjysmën e numrit të të burgosurave në gjithë botën, thuhet në raport.
Raporti është bazuar në të dhënat nga 219 vende dhe territore të varura.
Po ashtu theksohet se numri i grave dhe vajzave të burgosura mund të jetë më i lartë, pasi disa vende nuk kanë dhënë shifra, ndërsa shifrat e Kinës nuk janë komplete.
Numrin më të vogël të grave në burg e kanë vendet afrikane./rel/
Sqarim:
Ndalohen fyerjet dhe përdorimi i gjuhës ofenduese. INFOSOT mban të drejtën e publikimit ose jo të një komenti të caktuar. Përmbajtja e komenteve nuk pasqyron, qëndrim editorial të redaksisë së portalit INFOSOT. Ju faleminderit për mirëkuptimin!
© infosot.com
