Maqedonia e Veriut me ligj për mbrojtje nga COVID-19

26.10.2020 16:52
Rreshtat+- AShkronjat+- Printo
Maqedonia e Veriut me ligj për mbrojtje nga COVID-19

Rritja e numrit të viktimave nga sëmundja COVID-19, ka alarmuar Ministrinë e Shëndetësisë së Maqedonisë së Veriut, e cila ka kërkuar nga kuvendi miratimin me urgjencë të ligjit për mbrojtjen e popullsisë nga sëmundjet ngjitëse.

Maqedonia e Veriut, bazuar në raportin e Institutit të Shëndetit Publik, të dielën, ka regjistruar 22 viktima duke e çuar në 913 numrin e përgjithshëm të të vdekurve nga COVID-19, sëmundja që e shkakton koronavirusi i ri.

Me propozim-ligjin e hartuar nga qeveria e që duhet të miratohet në kuvend, veç tjerash, zyrtarizohet mbajtja e maskave edhe në ambiente të hapura, ndalimi i grumbullimit të më shumë se katër personave pas orës 22:00 si dhe i tubimeve familjare.

“Unë pres që të gjitha masat dhe ndryshimet ligjore të miratohen menjëherë dhe në një procedurë të shkurtuar. Situata me virusin është jashtëzakonisht serioze dhe kritike, presioni mbi spitalet dhe personelin mjekësor është i madh. Vala e virusit po bën kërdi në të gjithë Evropën dhe botën, askush nuk është kursyer. Ju lutemi që ta merrni shumë seriozisht gjendjen, pasi varet nga secili prej nesh se si do ta kapërcejmë këtë valë”, ka deklaruar ministri i Shëndetësisë së Maqedonisë së Veriut, Venko Filipçe.

Ligji nuk është miratuar pasi shumica parlamentare, deri tani nuk kishte kuorum për thirrjen e seancës, meqë tre deputetë të saj janë të infektuar me koronavirus. Izolimi i tyre skadon të martën, ditën edhe kur është thirrur seanca plenare.

Opozita ka refuzuar të votojë pro këtij ligji, pasi kërkon shkarkimin e Komisionit për sëmundje infektive, meqë vlerëson se bëhet fjalë për trup të politizuar, ndërkohë që ka kërkuar edhe dorëheqjen e ministrit Filipçe, të cilin e akuzon për keqmenaxhim të situatës me pandeminë.

“Ligji për mbrojtjen nga sëmundjet infektive nuk ofron zgjidhje, përkatësisht masa që qytetarët i presin, por deputetët e VMRO-DPMNE-së do të marrin pjesë në seancë, që të bëjnë kuorum, por do të abstenojnë sepse përsëri ne nuk gjetëm vullnet të mirë nga qeveria dhe Ministria e Shëndetësisë për masa të caktuara”, ka deklaruar Nikolla Micevski nga partia maqedonase në opozitë, VMRO-DPMNE.

Partia e kryeministrit Zoran Zaev, Lidhja Social Demokrate, këtë qasje të opozitës e vlerëson si destruktive, pasi sipas kësaj partie, në këtë kohë, shteti ka nevojë si asnjëherë më parë të ketë unitet në përballen me pandeminë.

“Tentimi i VMRO-DPMNE-së për të bllokuar miratimin e këtij ligji është edhe një nga obstruksionet e shumta që po i bën opozita që nga shpallja e pandemisë. Tani nuk është koha për pikë të ulëta politike, as për lojëra politike. Virusi është këtu, po përhapet dhe nuk po pret dhe kjo është arsyeja pse masat duhet të merren sa më shpejt që të jetë e mundur”, ka deklaruar zëdhënësja e LSDM-së, Bogdanka Kuzeska.

Edhe opozita shqiptare ka ngritur dilema mbi punën e Komisionit për sëmundje infektive, por edhe për dështimin e punës së qeverisë pas rritjes së shifrat me të infektuar dhe të vdekur.

“Këto shifra, në çdo vend normal, do të ishin sinjal për përgjegjësi politike, nëse jo edhe morale, të drejtuesve të sektorit të shëndetësisë, por jo vetëm. Çfarë duhet të ndodhë më shumë që ata të ndërgjegjësohen? Nëse kjo qeveri formon Komision të sëmundjeve infektive me kritere partiake e politike, rezultati patjetër do të jetë ky. Jemi të gatshëm që të ndihmojmë në tejkalimin e kësaj krize të madhe shëndetësore, natyrisht duke e depolitizuar Komisionin e sëmundjeve infektive, gjithë kjo në të mirë të shëndetit të qytetarëve”, thuhet në reagimin e partisë opozitare shqiptar, Alternativa.

Komentet

Sqarim: Ndalohen fyerjet dhe përdorimi i gjuhës ofenduese. INFOSOT mban të drejtën e publikimit ose jo të një komenti të caktuar. Përmbajtja e komenteve nuk pasqyron, qëndrim editorial të redaksisë së portalit INFOSOT. Ju faleminderit për mirëkuptimin!


Kuvendi mban seancë, në rend dite shumë projektligje e rezoluta

Kuvendi mban seancë, në rend dite shumë projektligje e rezoluta

Vaksina anticovid më shpejt se sa e kishim imagjinuar në treg

Vaksina anticovid më shpejt se sa e kishim imagjinuar në treg

Aksident mes tri veturash në Rrugën e Kombit, vdes një prej shoferëve

Aksident mes tri veturash në Rrugën e Kombit, vdes një prej shoferëve

Joe Biden letër Agim Rexhepit: Zoti ju bekoftë!

Joe Biden letër Agim Rexhepit: Zoti ju bekoftë!

Ministrja Serbe refuzon Cakaj si “Qytetar Nderi” i Bujanocit: Akuzoi Serbinë për krime lufte dhe gjenocid

Ministrja Serbe refuzon Cakaj si “Qytetar Nderi” i Bujanocit: Akuzoi Serbinë për krime lufte dhe gjenocid

OVL UÇK reagon pas vazhdimit të mandatit të Speciales

OVL UÇK reagon pas vazhdimit të mandatit të Speciales

Daut Haradinaj: Nuk hyhet në Kosovë duke kaluar mbi varrezat masive e eshtrat e shqiptarëve të masakruar

Daut Haradinaj: Nuk hyhet në Kosovë duke kaluar mbi varrezat masive e eshtrat e shqiptarëve të masakruar

Vdes nga Covid-19 një shtatzënë në QKUK

Vdes nga Covid-19 një shtatzënë në QKUK

AstraZeneca do të bëjë teste shtesë për vaksinën antiCOVID-19

AstraZeneca do të bëjë teste shtesë për vaksinën antiCOVID-19

Vazhdon mandati i Dhomave të Specializuara dhe Zyrës së Prokurorit të Specializuar

Vazhdon mandati i Dhomave të Specializuara dhe Zyrës së Prokurorit të Specializuar

​Lajçak informon Bundestagun për dialogun Kosovë-Serbi

​Lajçak informon Bundestagun për dialogun Kosovë-Serbi

10 viktima dhe 656 raste të reja me Covid-19 në Shqipëri

10 viktima dhe 656 raste të reja me Covid-19 në Shqipëri

​Kurti: Qeveria Hoti nuk është legjitime – ja kur duhet të zgjidhet presidenti i ri

​Kurti: Qeveria Hoti nuk është legjitime – ja kur duhet të zgjidhet presidenti i ri

​BE kritikohet për anshmëri në dialogun Kosovë-Serbi

​BE kritikohet për anshmëri në dialogun Kosovë-Serbi

Shaip Kamberi vendos flamurin shqiptar në Kuvendin e Serbisë

Shaip Kamberi vendos flamurin shqiptar në Kuvendin e Serbisë

Kërcënohet zëvendësministri Zafir Berisha

Kërcënohet zëvendësministri Zafir Berisha