Mali i Zi pritet që së shpejti të bëjë ratifikimin e Marrëveshjes së demarkacionit e kufirit me Kosovën. Këtë e ka konfirmuar në një intervistë për mediat malazeze, ministri i Jashtëm, Igor Luksic, transmeton zeri.info
“Besoj se shumë shpejt Mali i Zi do të kompletojë ratifikimin e marrëveshjes së demarkacionit me Kosovën”, ka thënë ai.
Kosova ka përmbyllur procesin e demarkacionit me Malin e Zi, pas nënshkrimit të 26 gushtit në Vjenë.
Kjo marrëveshje është nënshkruar nga zëvendëskryeministri i parë dhe ministri i Jashtëm, Hashim Thaçi si dhe ministri i Brendshëm, Skënder Hyseni. Kurse për palën malazeze, zëvendëskryeministri dhe ministri i Jashtëm, Igor Llukshiq, dhe ministri i Brendshëm, Rashko Konjeviq, transmeton zeri.info
Po ashtu dëshmitarë të nënshkrimit ishin edhe kryeministri, Isa Mustafa si dhe kryetari i Malit të Zi, Fillip Vujanoviq.
Kryediplomati kosovar, Hashim Thaçi, pas nënshkrimit të marrëveshjes pati deklaruar se marrëveshja është në “përputhje të plotë me Kushtetutën e vitit 1974, Dokumentin e Presidentit Ahtisaari dhe Kushtetutën e Republikës së Kosovës”.
Ndërkohë, subjektet opozitare (Vetëvendosje, AAK dhe Nisma) kanë kërkuar nga Qeveria e Republikës që të anulohen dy Marrëveshjet, me Malin e Zi lidhur me demarkacionin si dhe atë për krijimin e Asociacionit të Komunave Serbe.
