Duhej të ishte një duel për jetë a vdekje. Një sfidë për tu fituar me çdo kusht. Megjithatë, Lyon dhe Marseille kanë ndarë vetëm nga një pikë, me përballjen në Stade de Lumieres që përfundoi në barazim 1-1.
Rezultat që nuk përligji atë që të dyja skuadrat krijuan në fushë. lojë me ritëm të lartë, shumë emocione dhe raste për shënim.
Për të zhbllokuar sfidën klasike të futbollit francez mendoi Cabella, kur kronometri tregonte 64 minuta lojë, që i dha avantazhin Marseille.
Lyoni reagoi, duke barazuar me Tolisso në të 78-ën, pas asistit të ish-it të kontestuar nga tifozët marsejezë, Valbuena.
Pavarësisht rasteve të shumta të krijuara në minutat finale, asnjë nga skuadrat nuk arriti të gjente golin fitues. Një barazim që konfirmon momentin e krizës te Lyoni, që në tetë sfidat e fundit ka regjistruar vetëm një fitore.
Skuadra e Genesio-s ngjitet në kuotën e 30 pikëve dhe ndan vendin e 8-të të Ligue 1 pikërisht me Marseille-n, që regjistroi barazimin e katërt në pesë ndeshjet e fundit të kampionatit.
