Rivaliteti ndërmjet Android-it dhe Apple-it ka marrë një tjetër drejtim, pasi është shfaqur në Google Maps një imazh i ikonës së Android-it duke urinuar mbi logon e Apple-it.
Imazhi është krijuar nga një përdorues i Google Maps dhe mund të shihet qartë në hartë në afërsi të qytetit Rawalpindi në Pakistan. Imazhi është krijuar nëpërmjet funksionit Map Maker, i cili lejon përdoruesit të kontribuojnë tek hartat e Google-it. Kjo do të thotë se imazhi është krijuar pa dijeninë e Google-it.
“Kërkojmë falje për këtë përmbajtje të papërshtatshme e krijuar nga një përdorues,” tha Google në një deklaratë të dhënë për The Washington Post.” “Ne po punojmë për ta hequr sa më parë.”
Sqarim:
Ndalohen fyerjet dhe përdorimi i gjuhës ofenduese. INFOSOT mban të drejtën e publikimit ose jo të një komenti të caktuar. Përmbajtja e komenteve nuk pasqyron, qëndrim editorial të redaksisë së portalit INFOSOT. Ju faleminderit për mirëkuptimin!
© infosot.com
