Kurti: Policia ishte bërë gati të na vrasë ditën e 28 Nëntorit

30.12.2015 08:16
Rreshtat+- AShkronjat+- Print
Kurti: Policia ishte bërë gati të na vrasë ditën e 28 Nëntorit

Ish-kryetari i Lëvizjes Vetëvendosje, Albin Kurti, tash deputet në Kuvendin e Kosovës, në një intervistë për KTV, ka folur për aksionin e Policisë së Kosovës ditën e 28 nëntorit brenda zyrave të Lëvizjes Vetëvendosje. Kurti tha se njësia speciale ishte bërë gati për të vrarë aktivistë të VV-së, pasi ishte në pritje që dikush nga aktivistët të nxjerr diçka në formë revoleje.
Deputeti që po vuan arrestin shtëpiak deri më 17 shkurt të vitit 2016, ka thënë se Policia e Kosovës angazhoi 1000 policë për ta arrestuar atë në selinë e Vetëvendosjes.

“Ishte policia atë ditë që kishte mbushur rrugët me policë me uniforma, civilë dhe nuk dalloheshin. Natyrisht në momentin kur je në protestë e kanë të vështirë të arrestojnë dhe isha koshient se do të mund të ketë ndonjë ndërhyrje të policisë. Por nuk e kam pritur që do të angazhojnë forcat anti-terror”, ka thënë Kurti.

“I angazhuan 1000 policë dhe ata ishin në ndjekje të një terroristi që nuk ekziston. Ndërsymja e tyre ndaj nesh ishte hakmarrje ndaj nesh, ndaj protestave të opozitës brenda dhe jashtë Kuvendit. Prandaj i angazhuan forcat anti-terror, por arsyeja tjetër për këtë është se aq shumë është në panik pushteti aktual që synojnë që kjo opozitë të ndahet dhe të zhduket”, ka shtuar ish-lideri i Vetëvendosjes.

Gjatë intervistës Kurti ka thënë se fjalimi i tij më 28 nëntor për Manifestim ka qenë i planifikuar dhe për këtë kanë qenë në dijeni të gjithë liderët e opozitës.

“Unë kam dal edhe më datë 18 nëntor në protestën që u organizua pas arrestimit të Donika Kadaj-Bujupit. Gjithsesi do të dilja edhe në protestën e radhës dhe nuk kam mundur të qëndrojë e të mos dal në datën më të rëndësishme të kombit shqiptar”, ka theksuar Kurti.

“Fjalimi im ka qenë i planifikuar dhe gjatë 10 ditëve para protestës unë kam qenë tërë kohën nëpër lagjet e Prishtinës. Jam përpjekur maksimalisht që të evitojë arrestimin tim sepse nuk dua t’i kontribuojë këtij regjimi. Më është dashur të marrë shumë rrugë dytësore dhe për këtë arsye kam arritur me dy minuta vonesë. Për këtë arsye moderatorja së pari e thirri Glaukun [Konjufcën] pastaj më thirri mua”.

Kurti gjatë intervistës për KTV-në ka thënë se policia anti-terror ka rrahur gjithë aktivistët e Vetëvendosjes që ishin të pranishëm në selinë e saj.

“Ne nuk mundim që në mes të rrugës ta prisnim policinë. Ata kanë filluar që të hyjnë nëpër të gjitha zyrat dhe kanë rrahur aktivistë të të dy gjinive dhe ua kanë drejtuar tytat e automatikëve në kokë dhe në gjokse. Ky është një lloj terrori që e kanë bërë atë ditë. Kanë futur aktivist edhe në tualet duke i rrahur. Erdhën tek unë, atëherë më kanë marrë dy ose tre policë, më kanë goditur në kokë dhe m’i lidhën duart, ka pasur shumë sprej, gaz lotsjellës, ka pasur shumë britma të shumë njerëzve të plagosur”, ka treguar Kurti momentet e arrestimit të tij.

“Ata na përgjojnë, ata kanë pritur që do të ketë diçka që do t’i përngjajë armës në mënyrë që të na vrasin. Është tipike për policin që ka shufër gome që të godas, por nuk është tipike që një polic që mban armë të të godas. Ata kanë pasur synim tjetër”, ka shtuar ai.

“Më dërguan në burgun e sigurisë së lartë për ta shfajësuar veten për ato që kanë bërë. Aty është izolimi shumë i madh. Gjashtë orë mund të shkosh në qelinë e përbashkët. Mandej ka bastisje të shpeshta. Për një javë na kanë braktisur katër herë. Burgu është i ri dhe i pastër. Është më i mirë se burgjet tjera. Këta politikanët thuajse e kanë bërë për vete atë burg”.

Kurti ka thënë se “është evidente se këta do të donin të qeverisnin pa opozitë. Nuk ka demokraci pa opozitë. Ne jemi dëshmia e demokracisë. Pa këtë opozitë Kosova bëhet regjim totalitar. Ne e kemi parë që qeveria Mustafa-Thaçi është një regjim, i cili në vend që ta mbrojë vendin na Serbia, ia demonstron pushtetin opozitës”.

Sqarim: Ndalohen fyerjet dhe përdorimi i gjuhës ofenduese. INFOSOT mban të drejtën e publikimit ose jo të një komenti të caktuar. Përmbajtja e komenteve nuk pasqyron, qëndrim editorial të redaksisë së portalit INFOSOT. Ju faleminderit për mirëkuptimin!
© infosot.com


Daut Haradinaj për Jakup Krasniqin: Do ta ndaja një pjesë të jetës për të të zëvendësuar, Baca Jakup

Daut Haradinaj për Jakup Krasniqin: Do ta ndaja një pjesë të jetës për të të zëvendësuar, Baca Jakup

Kapet një polic në Kllokot, IPK zbulon dyshimet e para për rastin

Kapet një polic në Kllokot, IPK zbulon dyshimet e para për rastin

Në ditën e tretë, Jakup Krasniqi përfundon vizitën në shtëpinë e tij në Prishtinë

Në ditën e tretë, Jakup Krasniqi përfundon vizitën në shtëpinë e tij në Prishtinë

Mblidhet PDK, Çitaku: Javën e ardhshme vijnë strategjia shtetërore për apelin dhe iniciativa e re ligjore për Specialen

Mblidhet PDK, Çitaku: Javën e ardhshme vijnë strategjia shtetërore për apelin dhe iniciativa e re ligjore për Specialen

Isni Kilaj tregon se shujtat në Hagë ua kanë sjellë të ngrira

Isni Kilaj tregon se shujtat në Hagë ua kanë sjellë të ngrira

Kurti: Bashkëpunimi me sektorin privat, domosdoshmëri ekonomike e shtetërore

Kurti: Bashkëpunimi me sektorin privat, domosdoshmëri ekonomike e shtetërore

Kuvendi drejt seancës së re, Kryesia mblidhet më 23 nëntor

Kuvendi drejt seancës së re, Kryesia mblidhet më 23 nëntor

Presidentja takohet me ambasadoren suedeze, flasin për sundimin e ligjit

Presidentja takohet me ambasadoren suedeze, flasin për sundimin e ligjit

Tre persona dënohen me nga 7 vjet burgim për trafikim të narkotikëve në Prishtinë, dy të tjerë lirohen nga akuza

Tre persona dënohen me nga 7 vjet burgim për trafikim të narkotikëve në Prishtinë, dy të tjerë lirohen nga akuza

Musliu-Shoshi për buxhetin e 2027-s: Qytetarët duan projekte, jo shifra e premtime

Musliu-Shoshi për buxhetin e 2027-s: Qytetarët duan projekte, jo shifra e premtime

Lista Studentore synon t’i rishqyrtojë marrëveshjet me Kosovën, BE-ja thotë se Serbia duhet t’i zbatojë

Lista Studentore synon t’i rishqyrtojë marrëveshjet me Kosovën, BE-ja thotë se Serbia duhet t’i zbatojë

Haziri: Ndasia e 31 janarit po i kushton LDK-së, pasojat u reflektuan edhe në zgjedhjet e 7 qershorit

Haziri: Ndasia e 31 janarit po i kushton LDK-së, pasojat u reflektuan edhe në zgjedhjet e 7 qershorit

Raporti i UNICEF-it: Fëmijët në Kosovë ushqehen me produkte jo të shëndetshme, pijet energjike shqetësim në rritje

Raporti i UNICEF-it: Fëmijët në Kosovë ushqehen me produkte jo të shëndetshme, pijet energjike shqetësim në rritje

Haxhiu prezanton projektplanin e Agjendës Parlamentare për Çështje të Grave dhe Barazi Gjinore 2027–2030

Haxhiu prezanton projektplanin e Agjendës Parlamentare për Çështje të Grave dhe Barazi Gjinore 2027–2030

Paraburgoset Rrahman Hoti për rastin e rëndë që ndodhi të mërkurën në Suharekë

Paraburgoset Rrahman Hoti për rastin e rëndë që ndodhi të mërkurën në Suharekë

Kosova dhe BE-ja mbajtën takimin e tetë për çështjet ekonomike, financiare dhe statistikat

Kosova dhe BE-ja mbajtën takimin e tetë për çështjet ekonomike, financiare dhe statistikat