Kryeministri i Kosovës, Isa Mustafa, tha se i mbështet fuqishëm institucionet e dala nga vota e qytetarëve në Turqi.
Ai në rrjetin Facebook ka shkruar se “në këto momente sfiduese për Turqinë, fuqimisht përkrah institucionet e dala nga vota me vullnetin e qytetarëve të këtij vendi mik të Kosovës” dhe ka shtuar se “në shoqëritë demokratike me shtetin qeverisin ata që kanë marrë mandatin nga populli. Uroj që sa më shpejtë të stabilizohet gjendja në Turqi dhe të mos ketë viktima të pafajshme”.
