Në Prizren po mbahet një konferencë për zhvillimin socio-ekonomik të Kosovës, nën organizimin e Qeverisë së Kosovës, Zyrës së BE-së në Kosovë dhe Bankës Botërore.
Në këtë konferencë po marrin pjesë kryeministri i Kosovës, Isa Mustafa,ministri për integrime evropiane në Kosovë, Bekim Çollaku,shefi i zyrës së BE-së në Kosovë, Samuel Zhbogar, Drejtori për Ballkanin Perëndimor në Komisionin Evropian, Jean Eric Paquet dhe Ellen Goldstein, Drejtore e Bankës Botërore për Kosovës.
Sipas njoftimit të zyrës së BE-së në Kosovë, qëllimi i kësaj konference është përshpejtimi i rritjes ekonomike dhe gjenerimi i vendeve të punës.
“Ministrat, zyrtarë të lartë të Komisionit Evropian dhe Bankës Botërore do të marrin në pjesë në këtë ngjarje duke shkëmbyer qëndrimet e tyre në çështje që janë të rëndësishme për rritjen socio ekonomike, siç janë zhvillimi i sektorit privat, energjisë, arsimit dhe bujqësisë”, thuhet në njoftimin e BE-së.
