Ambasadori i Britanisë së Madhe në Beograd Denis Keefe ka thënë se nuk ka asgjë të fshehtë në platformën negociuese të Bashkimit Evropian për kapitullin 35 që ka të bëjë me Kosovën.
Procesi i negociatave me Brukselin është konfirmuar si duhet e Serbia sapo ka bërë njërin nga hapat e rëndësishëm – hapjen e kapitujve të parë.
Në vërejtjen se Brukseli procesin e integrimeve evropiane e lidh drejtpërsëdrejti me përparimin e dialogut të Beogradit e të Prishtinës, Keefe ka thënë, për gazetën Veçernje Novosti të Beogradit se BE këtij dialogu i kushton shumë kujdes , transmeton Koha.net.
Në procesin e dialogut, ka thënë ai, të dy palët kanë përgjegjësi.
“Dialogu po zhvillohet me ndërmjetësim të BE-së dhe të gjithë duhet ta luajnë rolin që e kanë”, ka thënë ai.
Sqarim:
Ndalohen fyerjet dhe përdorimi i gjuhës ofenduese. INFOSOT mban të drejtën e publikimit ose jo të një komenti të caktuar. Përmbajtja e komenteve nuk pasqyron, qëndrim editorial të redaksisë së portalit INFOSOT. Ju faleminderit për mirëkuptimin!
© infosot.com
