Juventus nuk di më të fitojë. Kampionët e Italisë, pësuan humbje e 3-të në kampionat pasi u “thyen” dhe nga Napoli në “San Paolo”, me jugorët që fituan 2-1 pas një ndeshje emocionuese, e cila konfirmoi se dicka nuk shkon te skuadra e Allegrit në sezonin e ri. Insigne dhe Higuain zgjidhën ndeshjen për formacionin e Sarrit, ndërsa Hysaj zhvilloi absolutisht ndeshjen më të mirë në Serie A. Një fitore e rëndësishme por që do të krijojë dhe polemika për shkak të një topi të prekur me dorë nga Alan në minutën e 93-të. Barazimet me skuadrat e fundtabelës në mesjavë, duket se kishin lënë më shumë shenjë te Juventus sesa te Napoli, pasi jugorët jo vetëm që luajtën më mirë në pjesën e parë por ishin gjithashtu dhe spektakolarë sin ë rastin e golit të Insignes.
Llogaritë me Juventusin Napoli u duk sikur I mbylli në të 62-tën me golin e Higuainit por 1 minutë më pas Lemina shkurtoi diferencën duke rikthyer në lojë Juven.
Në minutat e mbetura Juventus u përpoq të bënte gjithcka për të arritur te barazimi por Napoli rezistoi, ndërsa në minutën e 93-të u regjistrua dhe një episode I dyshimtë me Alan që preku topin me dorë në zonë, por për gjyqtarin nuk ishte 11-metërsh. Me këtë fitore Napoli u ngjit në kuotën e 9 pikëve, ndërsa skuadra e Allegrit ka ende pesë pikë në klasifikim. Roma I dha një përgjigje krizës duke shënuar pesë gola në portën e Carpit. Verdhekuqtë u rikthyen te fitorja pas dy hapave fals duke bërë një ndeshje shumë të mirë përballë skuadrës së ngjitur këtë vit në Serie A. 5 futbollistë të ndryshëm shënuan për verdhekuqtë, me Manolas që ngriti i pari siparin e golave, ndërsa në të 28-tën ishte Pjanic që dyfishoi shifrat. Para pushimit realizoi dhe Gervinho, ndërsa në pjesën e dytë realizuan dhe Salah e Digne. Golin e vetëm për miqtë e shënoi Borielo në të 34-trën, ndërsa në pjesën e dytë miqtë humbën dhe një 11-metërsh.
