Pas shumë problemeve e përçarjeve ndërmjet përfaqësuesve politik të shqiptarëve të Ulqinit viteve të fundit, ato janë shtuar edhe më shumë tash së fundi duke krijuar edhe krizë politike, duke kërkuar largimin e kryetarit Fatmir Gjeka.
Përfaqësuesit shqiptarë politik të Ulqinit, pas kësaj situate kishin arritur marrëveshje për formimin e pushtetit të ri dhe ndarjen e pozitave e që posti i kryetarit të Komunës ti takoj Forcës.
Fatmir Gjeka, sot zyrtarisht ka dhënë dorëheqje nga posti i të parit të Ulqinit, sipas tij këtë e ka bërë që Ulqini sa më parë të dalë nga kriza politike, transmeton infokomuna.
E në anën tjetër pritet që zyrtarisht kryetari i ri i Komunës së Ulqinit të zgjidhet Nazif Cungu, kjo do të ndodh të hënën, kur edhe pritet të mblidhen këshilltarët e kësaj komune.
Portali “Toskanapress”, ka kontaktuar Nazif Cungun, kryetar i ri i Komunës Ulqinit për të informuar qytetarët lidhur me marrjen e mandatit të ri.
Ai tregoi për “Toskanapress” se mbledhja e Kuvendit Komunal, parashihet të mbahet të hënën ku dhe do të zgjidhet kryetari dhe udhëheqja e re e Komunës së Ulqinit. Sipas tij nuk pritet të ketë vonesa dhe krizë politike e cila ishte tash një kohë dhe shpreson se nuk duhet humbur më kohë e të punohet në dobi të qytetarëve të Ulqinit.
Marrëveshja e nënshkruar nga përfaqësuesit politik të Forcës, Partisë Demokratike, Unionit Demokratik të Shqiptarëve dhe PDS-ë, pritet që të gjithë të kenë pozita udhëheqëse, sipas votava të fituara në zgjedhjet lokale.
Historik- Të rikujtojmë se nga vitit 2002 deri me 24 shtator të vitit 2006 kryetar i Ulqinit ishte Fuad Nimani nga Unioni Demokratik i Shqiptarëve.
Nga 24 shtatori apo vjeshta e vitit 2006 deri verën e nxehtë me 25 gusht të vitit 2011 kryetar i Komunës ishte Gëzim Hajdinaga, i cili nuk mundi të fitoi mandatin e dytë.
Shkëputja e degës së Anës së Malit prej UDSH-së me katër këshilltarë që iu bashkëngjitën Forcës dhe Partisë Socialdemokrate arritën ta krijojnë shumicën për të marrë pushtetin.
Me 22 gusht Forca e re ka treguar se ka fituar shumicën e re të Kuvendit Komunal të Ulqinit dhe e cila i është dorëzuar shërbimit të Kuvendit me iniciativën për shkarkimin e kryetarit të Kuvendit, propozimi i kryetarit të ri të Kuvendit dhe iniciativa për shkarkimin e Gëzim Hajdinagës nga posti kryetarit te Komunës se Ulqinit.
