Ja çfarë do të përfitojë Kosova, sipas Çollakut, nga Rezoluta e PE-së

12.03.2015 11:59
Rreshtat+- AShkronjat+- Printo
Ja çfarë do të përfitojë Kosova, sipas Çollakut, nga Rezoluta e PE-së

Ministri i Integrimeve Europiane, Bekim Çollaku, ka përshëndetur miratimin e rezolutës nga Parlamenti Europian mbi procesin e integrimit evropian të Kosovës.
Çollaku ka thënë se më këtë vendim nga Parlamenti Europian i bëhet thirrje vendeve anëtare të BE-së, që nuk e kanë njohur pavarësinë e Kosovës, ta bëjnë një gjë të tillë.
Në një postim në Facebook, ministri i Integrimeve Europiane, Bekim Çollaku, thotë se kjo rezolutë i jep mbështetje të fuqishme perspektivës europiane të Kosovës, ku kërkohet nënshkrimi i MSA-së, gjatë këtij viti dhe vlerësohet progresi për liberalizmin e vizave, transmeton lajmi.net.
Ai po ashtu ka thënë se Kosova i mirëpret rekomandimet e kësaj rezolute që kanë të bëjnë me sundimin e ligjit, reformat në administratë publike, luftën kundër korrupsionit.
Ja postimi i plotë i Çollakut:
Dje në Strasburg, Parlamenti Evropian miratoi rezolutën e radhës mbi procesin e integrimit evropian të Kosovës. Edhe kjo rezolutë dëshmon se Parlamenti Evropian mbetet një nga institucionet më mbështetëse të Republikës së Kosovës dhe procesin e integrimit evropian të vendit.
E mirëpres faktin që edhe përmes kësaj Rezolute i bëhet edhe një thirrje pesë shteteve anëtare të BE-së të mbetura ta njohin pavarësinë e Republikës së Kosovës. Rezoluta i jep një mbështetje të fuqishme perspektivës evropiane të vendit, duke bërë thirrje për nënshkrimin e shpejtë të Marrëveshjes për Stabilizim Asocim, që do të përforcoj dialogun politik në mes BE-së dhe Kosovës, do të integroj tregtinë dhe do të siguroj forma të reja të bashkëpunimit. Parlamenti Evropian ka kërkuar që Këshilli të merr një vendim për nënshkrimin e MSA-së sa më shpejt dhe gjithsesi në pjesën e parë të këtij viti. Konfirmohet edhe progresi i Kosovës në përmbushjen e kërkesave të udhërrëfyesit për liberalizim të vizave, dhe bën thirrje që të bëhet gjithçka e mundshme që të përshpejtohet ky proces, gjë për të cilën institucionet e vendit janë të përkushtuara maksimalisht.
Është shumë i mirëpritur fakti që Parlamenti Evropian kërkon në mënyrë afirmative përforcimin e subjektivitetit ndërkombëtar të Kosovës, përmes përfshirjes në organizata evropiane dhe ndërkombëtare, sigurimit të Kodit ndërkombëtar telefonik, dhe krijimit të kushteve për pjesëmarrjen e sportistëve dhe artistëve në gara ndërkombëtare si qytetarë të Republikës së Kosovës. Kjo rezolutë e mirëpret rolin e Kosovës në koalicionin për të luftuar terrorizmin dhe veprimet lidhur me luftëtarët që i bashkëngjiten luftërave të huaja, fushë kjo ku Kosova ka ndërmarrë hapa të vendosur. Ndërsa nga Serbia kërkohet rol konstruktiv në shpërbërjen e strukturave të tyre paralele dhe të mundësojnë ngritjen e përfshirjes së komunitetit serb në kornizën institucionale të Kosovës.
Mirëpresim rekomandimet e përfshira në këtë rezolutë që kanë të bëjnë me vazhdimin dhe thellimin e reformave në fushat e sundimit të ligjit, drejtësisë, administratës publike si dhe përkushtimin për luftimin e krimit të organizuar dhe korrupsionit. Sigurisht se këto do të shqyrtohen nga institucionet e Republikës së Kosovës dhe do të investohet përkushtimi i plotë për t’i adresuar këto rekomandime në kuadër të procesit integrues.
Për fund dua të shpreh mirënjohje për rolin e eurodeputetes raportuese për Kosovën në Parlamentin Evropian znj. Ulrike Lunacek që e ka udhëhequr punën rreth kësaj rezolute, si dhe kolegëve të saj në Parlamentin Evropian që vazhdojnë t’i japin mbështetje Kosovës.

Sqarim: Ndalohen fyerjet dhe përdorimi i gjuhës ofenduese. INFOSOT mban të drejtën e publikimit ose jo të një komenti të caktuar. Përmbajtja e komenteve nuk pasqyron, qëndrim editorial të redaksisë së portalit INFOSOT. Ju faleminderit për mirëkuptimin!


Kurti: E njoh Serbinë më mirë se Rama

Kurti: E njoh Serbinë më mirë se Rama

Kurti: Nuk kam thënë se secila marrëveshje me Serbinë është e keqe

Kurti: Nuk kam thënë se secila marrëveshje me Serbinë është e keqe

Pse BE-ja duhet të zgjerohet pa humbur kohë me Ballkanin Perëndimor

Pse BE-ja duhet të zgjerohet pa humbur kohë me Ballkanin Perëndimor

DEA “zbarkon” në Shqipëri, zyra të reja edhe në Tiranë

DEA “zbarkon” në Shqipëri, zyra të reja edhe në Tiranë

Petkoviq: Shpresoj që Lajçaku do ta ngrejë çështjen e ndalimit të hyrjes së zyrtarëve serbë në Kosovë

Petkoviq: Shpresoj që Lajçaku do ta ngrejë çështjen e ndalimit të hyrjes së zyrtarëve serbë në Kosovë

Kryeministri i zotohet Lajçakut se do ta zbatojë udhërrëfyesin për energjinë

Kryeministri i zotohet Lajçakut se do ta zbatojë udhërrëfyesin për energjinë

Reka: Brukseli po zgjeron hendekun mes BE-së e Ballkanit

Reka: Brukseli po zgjeron hendekun mes BE-së e Ballkanit

Lajçak mbërrin në Kosovë, shkon këmbë në takim me Kurtin

Lajçak mbërrin në Kosovë, shkon këmbë në takim me Kurtin

Haxhiu për Vettingun: Duhet të jemi unik në raport me reformën për drejtësi, pres takim me liderët opozitarë

Haxhiu për Vettingun: Duhet të jemi unik në raport me reformën për drejtësi, pres takim me liderët opozitarë

Në ditën e parë aplikojnë 164 nxënës në gjimnazin “Sami Frashëri”, vërehet interesim i madh

Në ditën e parë aplikojnë 164 nxënës në gjimnazin “Sami Frashëri”, vërehet interesim i madh

A do të kthehet Osmani për takim me Lajçak, Zyra e Presidentes: Sapo ka nisur vizitën në Singapor

A do të kthehet Osmani për takim me Lajçak, Zyra e Presidentes: Sapo ka nisur vizitën në Singapor

60% e shqiptarëve nuk bën dot një javë pushime këtë vit, më keq se rajoni

60% e shqiptarëve nuk bën dot një javë pushime këtë vit, më keq se rajoni

AAK e shqetësuar për mosliberalizim, Tahiri: S’mjafton që Lajçak të ndjejë keqardhje

AAK e shqetësuar për mosliberalizim, Tahiri: S’mjafton që Lajçak të ndjejë keqardhje

Pula për vizitën e Lajçakut: Lufta në Ukrainë po e rikthen vëmendjen e BE-së në Ballkanin Perëndimor

Pula për vizitën e Lajçakut: Lufta në Ukrainë po e rikthen vëmendjen e BE-së në Ballkanin Perëndimor

Blerim Latifi: BE klub racist, Kurti e Osmani ta bojkotojnë Lajçakun

Blerim Latifi: BE klub racist, Kurti e Osmani ta bojkotojnë Lajçakun

Dyshohet se rrahu kolegun e tij brenda SHGJK-së, ministrja Rizvanolli hesht

Dyshohet se rrahu kolegun e tij brenda SHGJK-së, ministrja Rizvanolli hesht