Serbia do të paraqitet në Elbasan Arena me synimin që të luajë për fitore, por kjo nuk do të thotë hakmarrje ndaj Shqipërisë. Ky është qendrimi i kapitenit të kundërshtarëve të 8 Tetorit, Branislav Ivanovic. Mbrojtësi i Chelsea-s theksoi se edhe pse serbët janë jashtë garës për Europianin 2016 në Francë, ata do të bëjnë gjithçka për të marrë tri pikët. Një objektiv që lidhet ngusht me ngjarjet e vitit të kaluar në Beograd. Pavarësisht dhunës dhe racizimit ndaj lojtarëve kuqezi, serbët vazhdojnë ta cilësojnë të padrejtë vendimin e Gjykatës së Arbitrazhit Sportiv, për ti dhënë Shqipërisë fitoren në tavolinë.
Në një intervistë për gazetën “Novosti”, Ivanoviç deklaroi se “skuadra ka një motivim të veçantë për ndeshjen në Elbasan”, ku edhe pse sfida nuk i shërben serbëve për ecurinë në kualifikuese, rivalët “nuk mund ta harrojnë dëmin e madh të shkaktuar”. Duke e cilësuar dënimin e KAS-it të Lozanës “drakonik” dhe “jo të saktë”, Ivanoviç u shpreh se rivalët nuk paraqiten në Shqipëri “për hakmarrje”, por sipas tij “fitorja synohet për ti kthyer borxhin” skuadrës kuqezi.
Serbia ka falur kohë që të Francës, por do të bëjë gjithçka për të fituar në Elbasan Shqipëri dhe në fushën e sportit të bar është pak e hakmarrjes për çdo gjë që ajo kishte jetuar që prej natës së 14 tetorit 2014 në Hum. Nuk ka frikë, me shumë motive “Shqiponjat” ishin zgjedhur në Shqipëri më 8 tetor, pohon kapiteni Branislav Ivanovic në një intervistë për “Novosti”.
Spekulimeve të mediave serbe për incidente apo provokime mbrojtësi iu përgjigj se nuk ka frikë dhe se lojtarët serbë nuk e njohin gjuhën shqipe që të ndikohen në fushë. Ivanoviç, që po zhvillon sezonin më të dobët në Stamford Bridge me Chelsea-n, mendon se për sfidën e së enjtes, presioni është për Shqipërinë dhe ekipi serb do të provojë ta shfrytëzojë këtë situatë.
