Ismaili dekorohet me medalje nga Garda e Shtetit të Iowa-s

E publikuar: 10/12/2015 13:05
Rreshtat+- AShkronjat+- Printo

Ambasadori i Republikës së Kosovës në Shtetet e Bashkuara të Amerikës, Akan Ismaili, është dekoruar me medaljen për “Shërbim të shquar” nga Garda Kombëtare e shtetit të Iowa-s, në një ceremoni të veçantë ushtarake, e cila u mbajt në Kampin Dodge, në qytetin Johnston të Iowa-s.

“Ambasadori Ismaili dekorohet për shërbim të veçuar meritor në shtetin e Iowa-s dhe Gardën Kombëtare gjatë mandatit si ambasador i Kosovës në Shtetet e Bashkuara të Amerikës. Përkushtimi dhe devotshmëria personale e ambasadorit Ismaili shtynë përpara vizionin e Gjeneralit dhe të gjithë Iowa-s për mbarë Kosovën që rezultoi në themelimin formal të marrëdhënieve dhe binjakëzimin në mes shtetit të Iowa-s dhe Kosovës dhe qyteteve të Pejës dhe Johnstonit. Lidershipi i fuqishëm i ambasadorit Ismaili, entuziazmi, mprehtësia në biznes dhe sjellja profesionale sigurojnë suksesin e Programit të Partneritetit shtetëror Iowa-Kosovë për vitet që vijnë”, thuhet ndër të tjera në motivacionin për medaljen e ndarë, të nënshkruar nga gjeneral–majori Timothy Orr, nga Garda Kombëtare e Iowa-s, transmeton kp .

Në këtë ceremoni u dekoruan edhe disa oficerë të Gardës Kombëtare të Iowa-s për shërbimin e tyre tà « dalluar, ndërsa i pranishëm ishte edhe Guvernatori i shtetit, të Iowa-s, Terry Branstad, dhe shefi i Byrosë së Gardës Kombëtare të SHBA-së, gjenerali Frank J. Grass.