Ishin rivalë, madje më shumë se kaq, Max Biaggi dhe Valentino Rossi ishin si uji dhe vaji, dy pilotë ku lufta mes të cilëve shkonte përtej pistave të garimit. Në vitet e fundit tensioni mes të dyve ka qenë sërish i pranishëm kjo edhe për shkak të miqësisë që ekziston mes Biaggit dhe Jorge Lorenzos. Por paraqitja e Doktorit në sezonin aktual me këtë të fundit që kryeson klasfikimin e përgjithshëm të Moto Gp, me 23 pikë avantazh ndaj Lorenzos ka suprizuar edhe vetë 44-vjecarin roman i cili në një intervistë thuri elozhe për Vale Rossin.
” Nëse Lorenzo dhe Marquez janë më të shpejtë dhe ti arrin ti rivalizosh ata madje ti lësh pas në shumë gara kjo do të thotë që ke aftësi të jashtëzakonshme dhe di ta shfrytëzosh eksperiencën e madhe që ke mbi supe. Në Silversote Rossi u favorizua shumë nga kushtet e motit madje edhe mund të ishte rrëzuar. Gjithsesi një gjë është e sigurtë ai nuk ndodhet vetëm falë fatit aty ku është sot. Valentino po e meriton ta fitojë këtë kampionat Botëror, pasi ka treguar më shumë qëndrueshmëri se gjithë të tjerët”.
Më pas një mendim i Biaggit shkoi pikërisht por Jorgen Lorenzon që është një shok shumë i mirë i tiji dhe që këtë sezon po lufton fort me Rossin për të fituar titullin e tretë kampion në karrierën e tij në Moto GP.
” Unë kam mendimin se Jorge ka shumë shance për të fituar titullin. Për të me 23 pikë disavantazh do të ishte e vështirë nëse do të ndodheshin 2 apo 3 gara përpara fundit të sezonit, por kur janë edhe 125 pikë në lojë gjithcka mund të ndodhë. Lorenzo është i fortë. Në Missano u komplikua pak ecuria e tij me rrëzimin që pati, por gjithsesi ka ende kohë që ai të rikuperojë disavantazhin me Rossin dhe në garën e fundit të luftojë për titullin”.
