Haxhiu ia kthen Haradinajt: T’u dha posti i kryeministrit sepse kërcënove me luftë të re

E publikuar: 16/07/2022 20:29
Rreshtat+- AShkronjat+- Printo
Share:

Baton Haxhiu përmes një kolumne të botuar në AlbaniaPost ka sulmuar ashpër Ramush Haradinaj.

Sipas gazetarit, Haradianjt i është dhënë posti i kryeministri për t’ia menaxhuar kërcënimet për një luftë të re.

Ekipet mbrojtëse në Hagë kërkojnë që Prokuroria t’i shpalosë provat që ka …
“Smajl, dërgoja letrën Ramushit”, quhet kolumna e Haxhiut ku ka thënë se Haradinajt i është i nevojshëm vetëm pse është destruktiv në opozitë.

Këto pretendime Haxhiu i ka lidhur me bashkëpunimin e Haradinajt me Lëvizjen Vetëvendosje gjatë viteve sa Isa Mustafa ishte kryeminsitër.

“Ramush Haradinaj deri më sot ka dhënë vetëm një shembull të qartë të rëndësisë së tij në politikë. Ai është i nevojshëm në qeveri vetëm pse është tepër destruktiv në opozitë jo pse është produktiv në pushtet. Atij i është dhënë posti i Kryeministrit, mes tjerash, nga pamundësia për t’ia menaxhuar kërcënimet për luftë të re, dhunën e ushtruar në sheshet e Prishtinës dhe hedhjen e lotsjellësit në Kuvend. Si Kryeministër, ndërkaq, marrëveshja që ka nënshkruar me Malin e Zi ka qenë përmbajtësisht e njëjtë”, ka thënë ndër tjerash Haxhiu. /Express