Deputeti i Aleancës për Ardhmërinë e Kosovës (AAK), Daut Haradinaj, ka thënë se Asociacioni i Komunave me Shumicë Serbe, është një mini-shtet brenda Kosovës, që ka kompetenca gati sa kryeministri i Kosovës.
Ai në Info Magazine ka deklaruar se, po t’i shtohet edhe një ushtri, atëherë Asociacioni është sikur një shtet.
“Asociacionit është një mini-shtet, nuk besoj që as kryeministri ka aq kompetenca sa Asociacioni”
Të gjitha do t’i ketë Asociacioni, sikurse një republikë, është shumë mirë të reflektojë kryeministri. Ka vullnet nga opozita që kryeministri të reflektojë dhe ta tërheqë nënshkrimin”.
I pyetur për seancën e vezëve, ai e ka vlerësuar aksionin e hedhjeve me vezë, si akt demokratik.
“Nuk është me rëndësi kush ka hedh vezë, opozita e ka pas një qëllim të përbashkët aksioni ka qenë i shkëlqyeshëm, e nuk ka qenë qëllim dëmtimi i kryeministrit”
“Nuk është me rëndësi kush gjuan vezët ose jo”.
“Në fund të fundit, vetëm vezë janë. Absolut asnjë dëm nuk i është shkaktuar askujt, është aksion demokratik”.
“Nuk mendojë që deputetët, edhe ata që kanë gjuajtur, edhe ata që jo, janë ndier mirë”.
“Këto janë format e vetme që kanë mbetur, është mohuar e drejta e shprehjes, sepse neve na kanë lënë si spektatorë”.
