Situata politike në Katalonjë është delikate, ndërsa Pep Guardiola i ka bërë thirrje ish-klubin të tij, Barcelonës që të luajtur një rol udhëheqës në këtë proces.
Vitin e kaluar, rajoni u përpoq të shpallte një status të pavarur.
Trajneri ishte për një ligjëratë në Universitetin e Liverpoolit, ku foli për këtë çështje.
“Natyrisht, Barcelona duhet të luajë një rol të rëndësishëm në këtë proces. Është e pamundur të kuptojmë Barcelonën pa e ditur se çfarë ka ndodhur në Katalonjë në të kaluarën”.
“Është e pamundur, por e kuptoj që nganjëherë duke qenë në bord apo duke qenë president, duke qenë në pushtet, do të thotë që duhet të menaxhoni situatën”.
“Ndonjëherë, kjo nuk është e lehtë, por nuk mund ta mohoni që Barcelona është shumë e rëndësishme me identifikimin me gjuhën dhe kulturën tonë”.
“Vite më parë, në Valencia, Guus Hiddink, i cili është një nga trajnerët më të mëdhenj në histori, ndaloi një ndeshje sepse ai pa flamuj nazistë në turmë”.
“Ai tha se nëse ato flamuj me swastika nuk largohen atëherë ata nuk do të luajnë”.
“Sigurisht, ai e përdori pushtetin e tij, por kur është bërë për këtë lloj gjëje, atëherë është shumë e mirë”.
Kur u pyet se çfarë do të ndodhte me statusin e Barcelonës në LaLiga Santander nëse Katalonia bëhet një shtet i pavarur, ai pranoi se ai nuk kishte një zgjidhje ideale.
“Unë mendoj se kjo është më pak shqetësuese nëse Barcelona luan në ligën spanjolle apo jo”.
“Nëse shoqëria merr një vendim, zgjidhja do të gjendet. Në fund, ajo që vendoset në referendum do të përcaktojë një mënyrë se si njerëzit duhan të jetojnë, më mirë apo jo”.
(Foto: Emilio Andreoli/Getty Images/Guliver)
“Por unë nuk kam përgjigje”, deklaroi trajneri i Manchester Cityt. /Telegrafi/
