Deputeti i Partisë Demokratike të Kosovës (PDK), Përparim Gruda tha se moskonstituimi i sotëm i Kuvendit të Kosovës përbën shkelje të rendit kushtetues të vendit.
Gruda në një prononcim për media tha se vendi është në një situatë të jashtëzakonshme dhe anarki të plotë.
“Jemi në një situatë të jashtëzakonshme si shoqëri dhe duhet të gjejmë një zgjidhje për me dalë prej kësaj situate. Kjo është një situatë e paprecedentë, shkelje e qëllmishme, është anarki e plotë, është përmbysje e komplet rendit kushtetues të Kosovës. Sot po përmbyset rendi kushtetues nëse Kuvendi s’konstituohet dhe kjo po bëhet me qëllim”, tha ai.
Kujtojmë se deputetët e grupit parlamentar të PDK-së po mbajnë mbledhje në Kuvendin e Kosovës.
Sqarim:
Ndalohen fyerjet dhe përdorimi i gjuhës ofenduese. INFOSOT mban të drejtën e publikimit ose jo të një komenti të caktuar. Përmbajtja e komenteve nuk pasqyron, qëndrim editorial të redaksisë së portalit INFOSOT. Ju faleminderit për mirëkuptimin!
© infosot.com
