Drejtori i Drejtorisë së Administratës Komunale, Muhedin Nushi priti sot Ambasadoren e Francës në Kosovë Maryse Daviet, bashkëpunëtoren e saj Christine Jouve si dhe përfaqësuesit e Ambasadës e Republikës Federale të Gjermanisë, Christina Weiss dhe Philipp Strasburg, njofton kumtesa nga komuna e Prishtinës.
Ky takim u realizua me qëllim të informimit të ambasadave franceze dhe gjermane lidhur me vetëshërbimin digjital (E – Kiosk), i cili ka nxitur interesimin e ambasadave të huaja për implementimin e të njëjtit sistem edhe në shtetet e tyre.
Vetëshërbimi digjital filloi së funksionuari në qershor të vitit 2015 përmes së cilit qytetarët do të mund në mënyrë automatike t’i nxjerrin certifikatat, ekstrakte dhe shërbime të gjendjes civile.
Sqarim:
Ndalohen fyerjet dhe përdorimi i gjuhës ofenduese. INFOSOT mban të drejtën e publikimit ose jo të një komenti të caktuar. Përmbajtja e komenteve nuk pasqyron, qëndrim editorial të redaksisë së portalit INFOSOT. Ju faleminderit për mirëkuptimin!
© infosot.com
