Një gazeta shitës në qytetin e Vlorës, ka gjetur një flamur me simbole të Shtetit Islamik (ISIS) në kioskën e tij.
Burime nga vendi i ngjarjes bëjnë të ditur se flamuri ishte ngjitur në xhamin e kioskës së gazetave.
Policia e Vlorës ka mbërritur menjëherë në vendin e ngjarjes dhe ka marrë në pyetje pronarin e kioskës, Kastriot Mëhilli, i cili është shprehur i habitur nga ngjarja, duke theksuar se nuk ka konflikte me asnjeri.
“Flamurin e gjeta në mëngjes. Kishte të vizatuara simbole të ISIS. Është hera e parë që më ndodh kjo gjë”, është shprehur Mëhilli. /Telegrafi/
Sqarim:
Ndalohen fyerjet dhe përdorimi i gjuhës ofenduese. INFOSOT mban të drejtën e publikimit ose jo të një komenti të caktuar. Përmbajtja e komenteve nuk pasqyron, qëndrim editorial të redaksisë së portalit INFOSOT. Ju faleminderit për mirëkuptimin!
© infosot.com
