Louis van Gaal duhet ta fitojë ndeshjen ndaj Stoke Cityt së Xherdan Shaqirit, nëse dëshiron të mbetet edhe më tej trajner i Manchester Unitedit.
Duket se ndeshja ndaj Stoke Cityt do të jetë vendimtare për të ardhmen e Louis van Gaal i cili mund të shkarkohet nga posti i trajnerit të Manchester United për shkak të rezultateve të dobëta.
Unitedi nuk ka fituar që gjashtë ndeshje me radhë, diçka që nuk i kishte ndodhë ‘Djajve të Kuq’ që nga vitet e 90’ta.
Sipas The Mirror, në rast se United pëson humbje nga skuadra e Xherdan Shaqirit, atëherë trajneri holandez do të shkarkohet menjëherë.
Vendin e tij sipas të gjitha gjasave do ta zë i shkarkuari nga Chelsea, Jose Mourinho, tashmë të gjitha mediat britanike shkruajnë se ai do të përfundojë në Old Trafford. /Express/
