Rrjeti më i madh televiziv evropian, Euronews, ka raportuar për ngjarjet e djeshme në Kuvendin e Kosovës, duke i cilësuar ato si kaos.
Të hënën, opozita ka hedhur sërish gaz lotsjellës në Kuvend, ndërsa kryesia e këtij institucioni e ka pezulluar atë nga punimet.
“Anëtarët e opozitës po shkaktojnë kaos duke hedhur vazhdimisht gaz lotsjellës, në shenjë kundërshtimi për një marrëveshje me Serbinë, të ndërmjetësuar nga Bashkimi Evropian”.
“Tre deputetë janë arrestuar në lidhje me incidentin e fundit që ka ngjallur skena kaotike në Kuvend”, ka raportuar Euronews.
Sipas burimit të njëjtë, e gjithë kjo ka ndodhur në prag të vizitës së Sekretarit amerikan të Shtetit, John Kerry, në Prishtinë.
Sqarim:
Ndalohen fyerjet dhe përdorimi i gjuhës ofenduese. INFOSOT mban të drejtën e publikimit ose jo të një komenti të caktuar. Përmbajtja e komenteve nuk pasqyron, qëndrim editorial të redaksisë së portalit INFOSOT. Ju faleminderit për mirëkuptimin!
© infosot.com
