Erdogan: Në 2015 janë neutralizuar 3000 terroristë, obligim ynë është të ndihmojmë turkmenët në Siri

E publikuar: 31/12/2015 20:27
Rreshtat+- AShkronjat+- Printo

Presidenti i Turqisë, Recep Tayyip Erdogan, deklaroi sot gjatë qëndrimit në Arabinë Saudite se obligimi i Ankarasë është të ndihmojë turkmenët në Siri, të cilët i janë nënshtruar sulmeve nga forcat e regjimit.

“Turkmenët në Bayirbucak janë shënjestër e sulmeve të kriminelit Bashar al Asad, i cili ka vrarë në Siri 400 mijë njerëz. Detyrë e jona si Turqi, si komb, është të ndihmojmë vëllezërit tanë”, tha presidenti turk.

Duke folur për operacionet anti-terroriste në juglindje të vendit, Erdogan theksoi se “Turqia është në gjendje t’i bëjë balë çdolloj kërcënimi mbi sigurinë”.

“Forcat e sigurisë po pastrojnë malet dhe qytetet tona nga terroristët dhe kështu do të vazhdojnë. Gjatë vitit 2015 në Trqi dhe jashtë saj, janë neutralizuar 3 mijë e 100 terroristë”, deklaroi Erdogan.