Nga refugjat i përndjekur u kthye në zëdhënës të kauzës së vendit të tij
Ilir Mustafa nga Gjilani shkoi si refugjat në Francë dhe fillimisht përfundoi në burg, por shumë shpejt arriti të rikthejë lirinë e mohuar dhe të bëhet atje një zë i fuqishëm i Kosovës
Shqiptari nga Kosova, Ilir Mustafa, është person i pazakontë në Francë, ku për të është bërë edhe një film dokumentar. Në Francë, Iliri hyri si emigrant nga Kosova dhe atje provoi edhe burgun edhe lirinë. Autoritetet e mbyllën pas grilave, por nuk arritën ta pengojë që më vonë t`i hapë dyert e mëdha të Këshillit të Evropës. Atje dha kontribut të madh për çështjen e Kosovës. Së pari ai u bë i njohur duke refuzuar dëbimin nga ky shtet dhe më vonë për Diplomën Evropiane që i solli qytetit të tij, Gjilanit. Por, si ka nisur ky rrugëtim i Mustafës. Në fillim të vitit 1996, Mustafa kërkohet nga policia serbe, për shkak të aktivitetit të tij politik e patriotik në Kosovë, për çka ai vendosi të ikë në Gjermani, ku kapet nga policia dhe kthehet në Francë, vendin nga kishte hyrë në territorin gjerman. Autoritetet franceze vendosen ta depërtojnë në Kosovë Ilirin, por ai rezistoi fort kur mori vesh se rruga e tij do të kalonte nëpër Beograd. Ai e dinte se ishte i kërkuar nga policia serbe në Kosovë dhe do të arrestohej sapo të mbërrinte në Beograd. Të njëjtën gjë e bëri edhe herën e dytë. “Duke më parë se po rezistoja kthimin, edhe piloti kundërshtoi që të futesha në aeroplan”, rrëfen Mustafa. Sërish e kthyen në qendrën e ndalimit, duke pritur që ta depërtojnë nëpërmjet Shkupit.
Francezët u solidarizuan me Ilirin e Kosovës
Kthesa ndodhi në rigjykimin e tretë të rastit të tij, që kishte tërhequr vëmendjen edhe të mediave vendëse dhe asociacioneve që mbrojnë të drejtat e njeriut dhe të refugjatëve. Kosovari e shfrytëzoi këtë rast dhe foli për të drejtat e shqiptarëve në atdheun e tij, ku ato po shkeleshin në mënyrë më të vrazhdë. Gjykata vendosi ta dënojë me tre muaj burgim për hyrje ilegale në Francë, duke i shtuar dënimin plotësues për depërtim në Kosovë. Duke mos u pajtuar me këtë vendim të gjyqit, Mustafa hyri në grevë urie, duke fituar përkrahjen e shoqatave humanitare. U organizua edhe nënshkrimi i një peticion për lirimin e tij nga burgu.. (Më gjerësisht mund t’a lexoni në numrin e sotëm të gazetës KOSOVA SOT)
