Nenkryetari i Odës Ekonomike të Kosovës, Arif Elshani ka deklaruar në emisionin Euro Tribuna në Tribuna Channel, me Menduh Abazin se Oda Ekonomike e Kosovës duhet të quhet Odë Ekonomike e Kryetarit.
Sipas tij, skandalet e kryetarit Safet Gërxhaliu nuk kanë të ndalura dhe janë të njëpasnjëshme.
“Ai bënë veprime të ndryshme me Odën Ekonomike të Serbisë . Ai e fton Brukselin dhe vendet e Quint-it ejani së bashku që ti luftojmë këta njerëz që i rrëzojnë kamionët në Kosovë . Ai ka qenë skandali jo i vitit por i shekullit që në të ftojmë Serbinë në këtë situatë edhe ti themi hajde së bashku t’i bëjmë Brukselit apo shteteve tjera kjo për mua ka qenë e papranueshme”, ka thënë Elshani.
I pyetur se a ka pas reagime qoftë nga Serbia apo nga Brukseli pas kësaj thirrje të kryetarit, Elshani tha se Serbia me këtë është gëzuar ndërsa Brukseli nuk merret me këtë sepse nuk udhëheq politikat e Odës Ekonomike.
