Kosova asht paditë në Arbitrazh ndërkombëtar. Bahet fjalë për kompanine gjermane AXOS CAPITAL, e cila në vitin 2013 ishte përzgjedhe si privatizuese e 75 për qind të aksioneve të PTK. Kjo kompani pretendon se ka investue në PTK, por vendimi i Kuvendit mos me privatizue PTK, ja ka ndërpre këtë investim.Vendi ynë rrezikon me i hupe 180 milion euro nga buxheti i vet, nëse hupe rastin në këtë përballje.
Këtë e konfirmon për Televizionin Rrokum edhe këshilltari i Kryeministrit, Besnik Berisha.
Simbas Berishës, Kosova i ka 14 ditë kohë për me zgjedhë avokatin mbrojtës për këtë rast. E derisa nuk dihet ende sa ka me i kushtue Kosovës kjo mbrojtje, kryeministri Mustafa, që e bani publik lajmin për padinë ndërkombëtare, tha se duhen ma s’paku 200 mijë euro për këtë fazë të procesit.
Se Kosovës ka me ju dashtë me pajtue nji kompani ndërkombëtare të avokaturës, e pranon edhe ministri i Drejtësisë, Hajredin Kuçi.
Këshilltari i Kryeministrit, Besnik Berisha, shprehet i bindun se Kosova ka me dalë fituese nga ky rast.
Ne vitin 2013, Qeveria vendos me i privatizue 75 për qind të aksioneve te Postës dhe Telekomit të Kosovës. Fituese ishte shpallë kompania gjermane “AXOS” Capital, me nji vlerë 277 milionë euro.
E ishte pikërisht Lidhja Demokratike, asokohe në opozitë, që bashkë me partitë tjera opozitare e kundershtuen ashpër këtë privatizim, i cili përfundoi me dështim mbas diskutimeve të gjata në Kuvend.
Rrokum.TV
