Ja 10 ushqimet që ju ndihmojnë të digjni më shumë kalori:
Grejpfruti (Portokalli i kuq)
Grejpfrutet përshpejtojnë metabolizmin tuaj dhe ndihmojnë në djegien e kalorive. Ky frut ju ndihmon të ndiheni të ngopurmë shpejtë dhe për një kohë më të gjatë, me më pak kalori. Për më tepër grejpfruti është i pasur në fibra dhe mund të ndihmojë në stabilizimin e nivelit të glukozës në gjak.
Selino
Sekreti i selonosë është shumë i thjeshtë: përmban shumë pak kalori dhe të ndihmon të djegësh më shumë kalori nga sasia që ti ke ngrënë. Selino ka shumë ujë në përbërje dhe kjo e bën shumë të përshtatshme si pjesë e një diete të balancuar. Gjithsesi nuk është e përshtatshme për një dietë vetëm me këtë ushqim pasi trupi nuk do arrinte të merrtë të gjitha mineralet dhe vlerat e nevojshme. Zgjidhja më e mirë është kombinimi me ushqime të tjera.
Drithërat e plota
Studimet kanë treguar se drithërat e plota janë më të shëndetshmë se ato të rafinuara, ato ulin rrezikun për smundjet kronike. Këto drithëra janë shumë të mira në dieta sepse duan më shumë kohë të treten dhe ju nuk do ta ndieni urinë për një kohë më të gjatë. Ato janë të pasura me disa vitamina, minerale dhe karbohidrate.
Çaji jeshil
Nëse ende nuk e keni zbuluar sa benefite ka ne metabolizëm çaji jeshil, atëherë ka ardhur koha ta bëni. Kjo pije e ngrohtë aziatike është bërë diçka e zakonshme në jetët tona por ne nuk mund të harrojmë vetitë e tij të jashtëzakonshme. I pasur në antioksidantë, çaji jeshil e nxit metabolizmin dhe ju ndimon të humbni peshë. Thjesht pini një filxhan nga ky çaj aromatik dhe bëjini një nder trupit tuaj.
Omega 3
Është provuar shkencërisht se Omega 3 funksionon si një rregullator për organizmin. Omega 3 është një acid yndyror që ndikon hormonet të cilat përcaktojnë se sa shpejt digjen kaloritë. Duke qenë se ky përbërës nuk prodhohet nga trupi ynën ne mund ta marrim atë vetëm duke ngrënë peshk (salmon, ton, herring).
Kafeja
Janë të shumtë njerëzit5 që nuk e nisin dot ditën pa pirë fillimisht një filxhan kafeje. Kjo sepse kafeja na bën të gjallë dhe të vëmendshëm. Ndërkohë që kafeja hyn në trupin tonë, shtohen rrahjet e zemrës, gjaku merr më shumë oksigjen dhe digjen më shumë kalori. Fatkeqësisht ky efekt prishet nga ato çfarë ne i shtojmë kafesë:sheqer, krem etj. mendoni për një zëvendësues për këto si për shembull kanella.
Avokado
Konsumimi i avokados përshpejton metabolizmin dhe ruan pjesën e qelizave që prodhojnë energjinë nga dëmtimet. Për më tepër avokado ka disa efekte mbi shëndetin tonë. Ul nivelin e kolesterolit, shëron plagët, pakëson mundësitë e sëmundjeve të zemrës dhe atakeve kardiake dhe bën shumë mirë për sytë dhe flokët. Për një mëngjes të shpejtë e të shëndetshëm mud të hani gjysmë avokado me domate dhe pak kripë por mund të provani një sërë recatash me këtë ingredient të mrekullueshëm.
Ushqimet pikante
Çdo ushqim pikant bën pjesë në grupin e ushqimeve që ndihmojnë në djegien më të shpejtë të kalorive. Ato vetë nuk kanë shumë kalori dhe mund t’i shtohen shumë mirë vakteve tuaja.
Farat Chia
Këto fara janë të pasura në proteina, fibra dhe yndyrna omega 3. Ato ndihmojnë si përshpejtues të metabolizmit, shtyrës të urisë dhe aktivizojnë glukagonin, hormonin për djegien e dhjamit. Lërini në ujë farat për 15 minuta deri sa të fryhen gati 10 herë më shumë se përmasat fillestare. Ato ju japin ndjesinë e të ngrënit për një kohë më të gjatë dhe ju ndalojnë të hani më shumë seç duhet. Mund t’i shtoni në lëngjet e frutave, sallata, ose në kos.
Arrat braziliane
Një nga ushqimet më të shijshme që mund të hani për të djegur shumë kalori janë arrat braziliane. Këto arra përshpejtojnë metabolizmin dhe ndihmojnë shumë dhe në luftimin e celulitit nxisin punën e sistemit imun. Mund të përdoren shumë mirë në sallatat e frutave ose të grira në qumësht me pak vanilje.
