Për herë të 42-të me radhë, ka dështuar mbajtja e seancës konstituive të Kuvendit. Seanca ishte parashikuar të mbahej sot në orën 11:00, por nuk arriti të zhvillohej për shkak të një kërcënimi me bombë në Kuvendin e Kosovës, i raportuar pak para fillimit të saj.
Pas pranimit të kërcënimit, Policia e Kosovës urdhëroi menjëherë largimin e deputetëve nga Kuvendi.
Ata u rikthyen në ulëset e kuvendit rreth orës 20:00 të mbrëmjes për ta vazhduar mbajtën e seancës konstituive.
Pas fillimit të seacnës, kryesuesi i seancës konstituive nga Lëvizja Vetëvendosje, Avni Dehari i ka ndërprerë fjalën deputetes së Partisë Demokratike të Kosovës, Ganimete Musliu, duke kërkuar nga regjia që t’ia ndalë mikrofonin.
Musliu kërkoi në emër të PDK-së që kuvendi dhe seanca të kthehet në rend të ditës.
Ndërkaq, Dehari tha se mikrofoni nuk duhet të keqpërdoret por të shfrytëzohet për të kontribuar në zgjidhjen e ngërçit politik.
“Kërkojë në emër të Partisë Demokratike të Kosovës që ky kuvend e kjo seancë të kthehet në rendin e ditë. (Dehari)Ju lutem mos të keqpërdoret. Regjia të ndërpritet mikrofoni dhe shfrytëzohet vetëm për kontribuar në zgjidhjen situatës, ngërçit që është krijuar. Vetëm për propozim të kandidatëve për komision”, tha Musliu.
Sonte ka dështuar për herë të 42-të konstituimi i Kuvendit të Kosovës./Z.Zeneli
