Instituti Hidrometeorologjik i Kosovës ka parashikuar se vendi në ditët e mbetura të javës do të ndikohet nga masat e ngrohta të ajrit.
Në këtë gjendje sinoptike do të mbajë mot me diell dhe vranësira të dendura të cilat në pjesën e dytë të ditës vende-vende do të shoqërohen me riga lokale shiu dhe shkarkime rrufesh.
Temperaturat minimale ditën e enjte do të lëvizin ndërmjet 9 C deri në 12 C, kurse maksimalet e ditës do të lëvizin ndërmjet 27 C deri 29 C. Do të fryjë erë nga jugu dhe jugperëndimi herë-herë e vrullshme nëpër disa lokalitete.
Nga dita e premte e deri të dielën do të mbajë mot jostabil dhe me ulje të lehta të vlerave të temperaturave. Shtypja atmosferike do t’i mbaj vlerat nën normale.
Do të fryjë erë nga drejtime të ndryshme me shpejtësi 1 deri në 9 m/s.
