Deçanasit kërkojnë të ndalen vrasjet. Marshojnë për Donjeta Pajazitin dhe Ylber Malajn të vrarë gjatë ditëve të fundit. Qytetarët e Deçanit kanë dalë sot në një marsh paqësor rrugëve të kësaj komune për ta shprehur mllefin e tyre ndaj dy vrasjeve të fundit që ndodhën në fshatin Strellc të kësaj komune.
Në rastin e parë, vajza Donjeta Pajaziti u gjet e vrarë më 17 dhjetor në bjeshkët e Strellcit, në rrethana ende të pasqaruara.
Në rastin tjetër, 11 vjeçari Ylber Malaj humbi jetën pasi një breshëri të shtënash nga automatiku e goditi atë përderisa po qëndronte në një lokal të fshatit.
Marshi i sotëm është thirrur nga kryetari i komunës së Deçanit, Rasim Selmanaj.
Sqarim:
Ndalohen fyerjet dhe përdorimi i gjuhës ofenduese. INFOSOT mban të drejtën e publikimit ose jo të një komenti të caktuar. Përmbajtja e komenteve nuk pasqyron, qëndrim editorial të redaksisë së portalit INFOSOT. Ju faleminderit për mirëkuptimin!
© infosot.com
