Sulmuesi spanjoll, Diego Costa ka zbuluar se ishte afër kalimit në Liverpool një vit para se t’i bashkohej rivalëve të Chelseas.
Ai ka shënuar 17 gola në 21 paraqitje këtë sezon pasi u transferua për 32 milionë funte nga Atletico në Chelsea.
Por, gjërat mund të ishin krejtësisht ndryshe nëse Costa në vitin 2013 do i bashkohej Liverpoolit, skuadër që ishte e gatshme të paguante klauzolën e tij prej 21 milionë funtesh.
“Isha afër që të largohesha nga Atletico”, citojnë mediat angleze Costan.
“Liverpooli është një skuadër e madhe, por pasi që luftova shumë dhe tejkalova vështirësitë që të gjeja vendin tim në Atletico, si mund të largohesha?”, deklaroi spanjolli.
“Mendova se ishte e rëndësishme që të vazhdoja të rritesha në Atletico dhe të luaja atje për shumë vite”, përfundoi ai./koha.net/
