Kryeministrat e Shqipërisë dhe Serbisë Edi Rama dhe Aleksandar Vucic, janë kujdesur që vizita historike e zyrtarit të lartë serb në Tiranë të shkojë më mirë se takimi i vitit të kaluar në Beograd. Ata kanë përsëritur qëndrimet e vjetra për Kosovën, por këtë e kanë bërë me tone më të buta. Vucic tha se Serbia e trajton Kosovës si pjesë përbërëse të saj. Ndërkohë që në Twitter tha se Kosova është krahinë jugore e Serbisë.
Vucic dhe Rama i kanë përsëritur qëndrimet edhe rreth ndeshjes së futbollit në Beograd edhe rreth pavarësisë së Kosovës. Edhe pse janë kundërshtuar mes vete, dy Kryeministrat janë kujdesur që gjithçka të shkojë më qetë dhe pa tensione. Vucic ka thënë se hedhja e dronit me flamurin e “Shqipërisë së Madhe” ka qenë e organizuar politikisht, ndërkohë që Kryeministri shqiptar ka thënë se thënë se shqiptarët do të qeshnin nëse do të shihnin një flamur të Serbisë së Madhe.
Ata i kanë përsëritur edhe qëndrimet e njëjta për Kosovën. Rama madje ka realtivizuar këtë dallim duke thënë e kjo do të ndalë dy vendet në marrëdhëniet e reja.
Por cfarë tha Vucic saktësisht për Kosovën?
“Është fakt se nuk pajtohemi rreth cështjes së Kosovës dhe Metohisë. Serbia, Kosovën dhe Metohinë e trajton si pjesë përbërëse të saj derisa Shqipëria Kosovën e trajtoj si shtet të pavarur. Flasim ndryshe, mendojmë ndryshe, problemet nuk zgjidhen me luftë, por me dialog’ ka thënë Vucic.
Ndërkohë Vucic gjatë vizitës së tij në Tiranë ka thënë se “ua shtrinë dorën e miqësisë shqiptarëe” duke folur duke u angazhuar për bashkëpunim konkret me Republikën e Shqipërisë. Këtë e ka bërë edhe Kryeministri Rama i cili ka përmendur modelin franko-gjerman për bashkëpunim ndërmjet Tiranës dhe Beogradit./gazetaexpress/
