Organizata studentore Unioni i Pavarur i Studentëve të Kosovës, shprehë pakënaqësinë në lidhje me vendimin e Këshillit Drejtues të UP-së për zbritjen e bursave studentore nga 900 në 700 Euro.
Sipas UPSK, Universiteti i Prishtinës me këtë vendim nuk po i stimulon studentët e tij për të bërë shkencë dhe hulumtime por në njëfarë mënyre po i demotivon ata.
“Barazimi i shumës së mjeteve që jepen për bursa studentorë nga Universiteti I Prishtinës me ato komunale që jepen si bursa sociale është i pa pranueshëm dhe jo i arsyeshëm”, thuhet në reagimin e UPSK.
UPSK si pjesë e Parlamentit Studentor që është organi më i lartë i përfaqësimit të studentëve, kërkon nga Këshilli Drejtues të kthejë këtë vendim mbrapsht dhe të marr vendimin që bursa të jetë ashtu siç ka qenë në të kaluarën.
“Poashtu kërkojmë edhe nga Rektorit i UP-së , dhe Ministri i Arsimit që të ndikojnë tek Këshilli Drejtues. që ky vendim të ndryshoj”, thuhet tutje në reagim.
