Është zhvilluar me tensione seanca e sotme plenare në Kuvendin e Shqipërisë. Deputetët e opozitës siç edhe paralajmëruan kanë kthyer përmbys karriget e deputetëve socialistë duke penguar vijimin e seancës.
Teksa kanë bllokuar foltoren në Kuvend, deputetët e opozitës kanë vendosur ta çojnë deri në fund paralajmërimin e tyre për të penguar punën.
Ndërkohë deputeti Ervin Salianji ka ndezur tymuese në Kuvend.
Gjithashtu deputetët e opozitës kanë krijuar zhurma duke përplasur tavolinat. Nga ana tjetër deputetët e Partisë Socialiste miratojnë projektligjet në rendin e ditës.
Sali Berisha dhe deputetët e tij kanë shkuar sot në Kuvend me një skenar të përgatitur për bllokuar punimet e parlamentit.
Berisha ka folur në Kuvend ndërsa e kishte ndarë videon në Facebook.
Ai u tha deputetëve socialistë që më mirë të ikin se po shpallin grevë.
“Ne shpallim grevë. Kjo që shihni është grevë. Më mirë të ikni”, tha Berisha.
