Kryetari i Serbisë Tomislav Nikoliq dhe patriarku Irinej kanë biseduar dje në Patrikanë për mundësinë që pozitës së Kishës ortodokse serbe në Kosovë t’i propozohet modeli i Vatikanit.
Takimi i tyre është mbajtur në vlugun e përgatitjeve për vazhdimin e dialogut me Prishtinën, e sipas paralajmërimeve të ekipit negociues serb, njofton gazeta “Novosti” e Beogradit, Qeveria serbe për rundin e ri të negociatave ka ndër mend ta paraqesë pikërisht çështjen e statutit të Kishës Ortodokse serbe (KOS) dhe të pasurisë së saj në Kosovë, transmeton Koha.net.
Nga Patrikana është kumtuar se kryetari dhe patriarku kanë shqyrtuar çështje të Kishës dhe të popullit në Kosovë me “me vështrim të posaçëm të perspektivës që mund të pritet pas hapjes së kapitullit 35 në negociata me BE-në”.
Nikoliq në platformën e vet të parë për Kosovën, para tre vjetësh kishte paraparë që KOS në kuadër të autonomisë esenciale të Kosovës, të ketë pozitën e Kishës Katolike, përkatësisht të Vatikanit, ndaj Italisë.
Atëbotë KOS e kishte refuzuar këtë propozim, pasi kishte pasur interpretime se raporti ndaj organeve kosovare të pushtetit ishte paralajmërim i njohjes së pavarësisë së Kosovës. Në vend të kësaj, kisha joformalisht kishte propozua garanci ndërkombëtare për statusin dhe pasurinë e saj në Kosovë.
Ky propozim,nëse nuk ndryshohet, duhet të jetë platforma për bisedimet e ardhshme në Bruksel, temë e të cilave duhet të jetë pozita e Kishë serbe.
KOS atëbotë e kishte refuzuar modelin e Vatikanit duke konsideruar se as ky shembull nuk ishte adekuat me situatën në të cilën gjendet Argjipeshkvia Rashkë –Prizren në Kosovës. Vatikani, Italia dhe qyteti Roma nuk janë të rënduara me të kaluarën, me konflikte nacionaliste dhe me dallime fetare siç ka në Kosovë.
Për Kishën, për këtë shkak, më i pranueshëm do të ishte autoriteti i BE-së ose i KB-së që do të ishin mbështetje për definimin e statutit, pasurisë dhe të misionit të Kishës pa kontakte të drejtpërdrejta me autoritetet në Prishtinë dhe arritjen e çfarëdo marrëveshjeje .
Duke arsyetuar modelin e Vatikanit si zgjidhje, këto në Beograd po theksohet se nuk do të thotë qp KOS të ketë statusin e shtetit në Kosovë, por ajo duhet t’i paraqesë qëndrimet e veta dhe të bsieodjë me Prishtinën dhe nga ajo nuk varet
Dokumenti që rregullon marrëdhëniet e Italisë me Selinë e Shenjtë është nënshkruar në vitin 1929 dhe ai njihet si “Marrëveshja Laterane” (sipas pallatit ku u nënshkrua).
Italia me këtë marrëveshje ka njohur pavarësinë e Selisë së Shenjtë mbi rajonin e Shtetit të Qytetit të Vatikanit i cili u bë subjekt i posaçëm i të drejtës ndërkombëtare. Me marrëveshje është rregulluar edhe pozita e Kishës Katolike në Itali si dhe ujdia lidhur me kërkesën e Selisë së Shenjtë për humbjen e pasurisë.
